Greenpeace die joos in vir SA oor plastiek

(Argieffoto: Pixabay.com)

Greenpeace is woedend nadat ’n gelekte dokument glo onthul het dat die Suid-Afrikaanse regering ’n nuwe voorgestelde wêreldwye ooreenkoms ten opsigte van plastiek gaan verwerp.

“Plastiekondersteuners probeer om antiplastiek-ooreenkomste te ondermyn en Afrika-lande met plastiekafval te oorstroom,” het dié omgewingsgroep Dinsdag gesê.

Luidens dié dokument, wat deur Mail & Guardian gelek is, is die departement van omgewingsake, bosbou en visserye bang dat ’n plastiekverbod dit onder meer vir Suid-Afrika moeilik sal maak om op die handel van plastiekafval te kapitaliseer.

“Dít ondanks die feit dat Suid-Afrika die derde grootste oortreder in Afrika is, wat betref plastiekafval wat op land gestort word en in die see inloop, en 11de in die wêreld,” het Angelo Louw, hoof van Greenpeace Afrika se Pan-Africa Project Plastic, gesê.

“Afrika se riviere, die see en gemeenskappe is vol plastiekafval en storting is aan die toeneem. Suid-Afrika se versuim om leiding te neem ten opsigte van die plastiekkwessie moet egter nie ’n presedent skep nie en Afrika-regerings moet die ondertekening van dié beleid prioritiseer om die plastiekkrisis op te vasteland op te los.”

Louw sê dat Suid-Afrika hom doof hou vir die land se behoefte aan ’n veilige, gesonde en plastiekvrye omgewing.

“Dit is skrikwekkend dat die regering oorweeg om plastiekafval in te voer ondanks ’n wêreldwye verset teen die gebruik van ander lande as stortingsterreine. Verskeie lande in Asië het reeds opgehou om plastiekafval te aanvaar weens die omgewingsimpak daarvan op minderbevoorregte gemeenskappe.

“Die dokument bevestig weer eens dat Suid-Afrika se departement van omgewingsake gekaap is deur korporatiewe belange wanneer dit by die plastiekkwessie in die land kom.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

34 Kommentare

jongste oudste gewildste
Genis

Dink hulle regtig “our people” glo in omgewings sake? Hulle dink aan hulle eike sake, en sakke….

Anton

Lol, ons regering is gekaap deur korporatiewe belange :-)
Nee, skattie…diewe en onbeholpenheid

Skillie

Dis ons nuwe Nasionale blom

Swerwer

Hou net eenvoudig op om plastiek sakkies te vervaardig en daar sal gou ander plan gemaak word om dit te vervang met lapsakke en ander tipes houers. Die landsburgers is mos nie geleer jy gooi afval, vullis weg in houers nie. Nee, die vlaktes en paaie is oop vir vullis. Plastieksakkies by winkels kos al so duur wat versonderstel was om plastiek te beperk het nou in’n traak my nie agtige handel ontaard. eers was die sakkies ‘n paar sente maar nou kos die meeste al oor ‘n Rand. As jy al die rande bymekaar tel in ‘n maand wat… Lees meer »

Plaaskind

Ons mooi land het in een groot vullisterrein ontaard, dis ‘n jammerte en ‘n skande.