Griekwastad-vonnis: “Gedra jou soos ‘n man”

Die beskuldigde in die hof saam met sy prokureur tydens 'n vorige verskyning. Foto: Lani Fouché / Central Media Group

Die beskuldigde in die hof saam met sy prokureur tydens ‘n vorige verskyning. Foto: Lani Fouché / Central Media Group

Regterpresident Frans Kgomo het Woensdag die jong Griekwastad-moordenaar gemaan om hom soos ‘n man te gedra en die gevolge van sy dade te dra.

“Oor twee dae is jy ‘n man. Wees dan nou ‘n man,” het Kgomo aan die 17-jarige seun gesê voor hy hom tot effektiewelik 20 jaar tronkstraf gevonnis het.

Die seun, wat Vrydag sy 18de verjaardag vier, is gevonnis vir die moorde op Deon Steenkamp (44), sy vrou Christel (43) en hul dogter Marthella (14). Hulle is op 6 April 2012 op hul plaas Naauwhoek doodgeskiet.

Kgomo sê hoewel die staat vir die maksimum vonnis gevra het, het hy besluit om ‘n ligter vonnis op te lê, aangesien die seun ‘n eerste oortreder is en ‘n kans staan om gerehabiliteer te word.

Die hof het egter saamgestem dat dit kommerwekkend is dat die seun tydens die verhoor volgehou het dat hy onskuldig is.

Kgomo sê die seun moet intensiewe terapie kry terwyl hy sy tronkstraf uitdien. Dit sluit onder meer programme in wat die seun sal help om emosie te wys.

Kgomo het die seun tot 20 jaar tronkstraf gevonnis op elk van die drie aanklagte van moord, 12 jaar vir verkragting en vier jaar omdat hy vir die polisie gelieg het. Die vonnisse sal gelyklopend uitgedien word.

Kgomo het ook gesê dat die seun nie berou getoon het vir sy dade nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

37 Kommentare

jongste oudste gewildste
Marley

Ek hoop daar sal nou opgehou word om na die “seun” verwys te word en sy naam, wat alreeds alom bekend is, te gebruik.

Eerste oortredes se dinges, hy het soos ‘n maniak opgetree, en die feit dat hy steeds geen berou getoon het en steeds gesit en lieg het, is bewys genoeg, hy sal nie rehabiliteer nie.

Hou hom maar tussen daardie 4 mure.

John van Zyl

Stem nie saam met vonnis,heeltemal te lig!!!!!!!!!!!!!!!! Hy moes vir sy lewe lank gesit het, maar nou ja ek hoop hy kan gerehabileteer word, en hy kan slaap snags!!!!!!!!!!!

Belinda

Hy is n swakeling en sal een bly tot die dag van sy dood en die wat hom so ondersteun het in die wrede moord moet maar nou aanvaar hy is skuldig met n baie baie ligte vonnis maar ja hy sal nooit uit die tronk kom n beter persoon nie het bloed geruik en hy sal weer moor………………

"Huh!"

NET 20 jaar!!!! En na hoeveel jaar gaan hy uitkom vir “goeie gedrag” en weer moor? Jammer, ek kan nie hiermee saamstem nie.

Alida Müller

Ek noem sommer sy naam!!! Tronkstraf is te lig! Hy het ‘n tripple moord gepleeg. Doodstraf sou aan die orde van die dag gewees het.