Groenkloof-aanval: Twee vas

Taschia het die foto na die aanval op Facebook gedeel.

Taschia het die foto na die aanval op Facebook gedeel.

Twee verdagtes is in hegtenis geneem in verband met die naweek se aanval op twee vroue in die Groenkloof-natuurreservaat in Pretoria.

Die Tshwane-metropolisie het in ʼn verklaring gesê een verdagte is Saterdag in hegtenis geneem, kort nadat die twee vroue in die reservaat aangeval is. “Reservaatpersoneel op patrollie het die vroue se hulpkrete gehoor en het die aanvallers agternagesit.”

Taschia Slabbert en haar ma, Melissa, is omstreeks 08:00 aangeval en van ʼn kamera, selfone en hul skoene beroof. Hulle is ook erg aangerand. Volgens die verklaring is die verdagte in ʼn informele nedersetting naby die reservaat in hegtenis geneem. “Die vroue het hom positief geïdentifiseer en hy word van gewapende roof aangekla.” Die tweede verdagte is Sondag in hegtenis geneem.

“Dit is jammer dat ons pragtige reservaat berug is vir gewelddadige aanvalle op stappers. Die reservaat se bestuur het aan die begin van die jaar veiligheid opgeskerp en metropolisiebeamptes is ook ontplooi.”

Volgens die verklaring sal ʼn hoëvlak veiligheidsvergadering op 10 Mei gehou word wat spesifiek sal fokus op die reservaat se uitdagings. Intussen sal nog metropolisiebeamptes in die gebied rondom die reservaat ontplooi word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

11 Kommentare

jongste oudste gewildste
lynette

Die plek is gereeld in die nuus oor die aanvalle. Waarom sal mense dus steeds daar gaan stap? Veral twee dames alleen?

a

Ek hoop die dames herstel vinnig.Dink aan julle.

Willie

Wiskunde- plakkers + onwettige nedersetting = misdaat. Hierdie lae bekostigbare behuising van die raad, onder bome, bosse en plasiek werk nie… Bitter sleg dat niemand meer veilig is, in enige plek… Net dankbaar hulle is nie verkarg nie….

Willie

Wiskunde- plakkers=misdaat. Net bly hulle is nie verkrag nie…..

Xa

Dra ten minste pepper spray as julle gaan stap, draf, veral as dit naby oop stukke veld, bos, verlate areas ens is, anders is moord julle voorland in die wanfunksionele land.