‘Groep wit spelers wil Bokke en Allister pootjie’

Springbokke-vs-Iere-_-Nuweland-_-11Jun16_Inus-Grobler_008

Die Springbokke teen Ierland op Nuweland, 11 Junie 2016. Foto: Inus Grobler

’n “Groep wit Springbokspelers” wil die “geïntegreerde span” en afrigter Allister Coetzee sien misluk.

Volgens Tony Ehrenreich, leier van Cosatu in die Wes-Kaap, het Springbokspelers wat Cosatu voorheen genader het oor die gebrek aan transformasie in die span dié inligting aan hulle verskaf. “Dit is dalk die rede vir die swak spel van sommige spelers in die afgelope twee wedstryde.”

Ehrenreich het gesê die “houding” van sommige spelers en ondersteuners, wat nie ten gunste is van dié Springbokspan en “sy transformasie-agenda” nie, moet nie onderskat word nie. “Die spelers wat die Springbokke se spel saboteer moet ondersoek en verwyder word.”

Volgens Ehrenreich moet Coetzee nie swig onder die druk wat op hom geplaas word nie. “Die dae dat sekere posisies vir wit spelers gereserveer word is verby en ons moet ook nie langer buitelandse spelers toelaat nie. Ons het genoeg talent in die land om fantastiese spanne saam te stel.”

Ehrenreich het verder geëis dat M-Net se “oorheersing” rakende die uitsaai van rugbywedstryde tot ʼn einde moet kom en dat die wedstryde eerder op die SAUK se kanale en tydens oopkyktyd op M-Net uitgesaai moet word. Volgens Ehrenreich moet die “ou wit kommentators” ook vervang word deur “jonger wit kommentators” aangesien die “ou kommentators” steeds “apartheid-vooroordele” toon.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

69 Kommentare

jongste oudste gewildste
Schalk

Net so sal SA rugby nooit weer n krag wees nie. Hierdie klomp gaan nie rus voordat alles vernietig is nie. Vir al wat ek omgee, kan julle die springbok verwyder, vervang hom met n assegaai of iets dergliks. Mnr Coetzee in sy regstellende amp, sal kort voor lank die vrugte pluk.

johann cb

Watter klomp twak gaan volgende aangevoer word om van bekwame spelers ontslae te raak?! Ek is stomgeslaan…

Johan

Wat rook die man….Ehrenreich meer rassisties as dit kry jy nie……hoop iemand lê n klag…….Ehrenreich het jy al ooit n dag se Rugby in jou lewe gespeel…….

Cobus

Om te dink dat hy Tony homself glo!

Gerhard

Ek is oortuig dit is Jan van Riebeeck se skuld dat die wit spelers so swak speel!!