Grondbesetters sak op wildreservaat toe

Die toneel naby die Kwalata Lodge in die Dinokeng-wildsreservaat. Foto: Verskaf

Die toneel naby die Kwalata Lodge in die Dinokeng-wildsreservaat. Foto: Verskaf

Die polisie is tans op die toneel by die Kwalata Lodge in die Dinokeng-wildsreservaat, noord van Pretoria, waar onwettige plakkers glo begin het om huise op private grond op te rig.

Riaan Olivier, hoof van die plaaslike gemeenskapspolisiëringforum (GPF), het aan Maroela Media gesê die plakkers het Woensdag by die stuk grond naby die Lodge opgedaag, begin bome afkap, plante uittrek en die grond begin gelykmaak om hul huise daarop te bou.

“Hierdie is privaat grond wat aan die eienaar van Kwalata Lodge behoort. Die stuk grond word tans nie gebruik nie, maar die plan is dat dit later gebruik sal word vir ‘n sportterrein vir die gemeenskap. Die mense het net hier opgedaag en met die proses begin om hul huise op te rig,” het hy gesê.

Volgens Olivier word gerugte al maande lank versprei dat van die plaaslike inwoners beplan om die grond in die reservaat te beset, maar pleidooie aan die polisie om aandag aan die gerugte te gee, het op dowe ore geval. “Van die mense sê dit is onregverdig dat witmense so baie grond het en hulle nie en daarom vat hulle nou hierdie grond. Ander sê weer die ANC het gesê hulle mag die grond kry. Dit is natuurlik bog. Ons het met ʼn plaaslike ANC-raadslid vergader en hy weet niks hiervan nie.”

Olivier het gesê hy is vanoggend na die polisiestasie met die titelakte van die grondeienaar om ʼn saak aanhangig te maak en die polisie te versoek om die onwettige besetters te verwyder.

Kapt. Sarah Lesabane, woordvoerder van die polisie, het aan Maroela Media bevestig die saak is aanhangig gemaak en gesê die polisie vergader tans met ʼn groot groep van die besetters. “Ons is nog besig om presies vas te stel wat aangaan en sal later verdere kommentaar lewer wanneer daar meer duidelikheid oor die situasie is,” het sy gesê.

Die Tshwane Metro Munisipaliteit kon nie onmiddellik vir kommentaar bereik word nie.

Twee werknemers van die Rooimiere is minder as drie weke gelede doodgemaak nadat hulle deur die Tshwane-metroraad aangestel is om plakkershutte, wat onwettig op munisipale grond in Hammanskraal opgerig is, te verwyder. Nadat talle mense beseer is, busse gebrand, eiendom vernietig en paaie versper is, het die Tshwane-metro besluit om die uitsetting van die plakkers te staak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

64 Kommentare

jongste oudste gewildste
Schalk

Hier is die begin.

D

EFF. Waar ‘n rokie is trek ‘n vuurtjie.

Spook

Dit gaan ons van nou af meer en meer sien. Dit gaan afloop tot n bloed bad.

Irene

Hulle praat van tereuraanvalle maar in sa is daar erger dinge aan die gang en regering sit net en kyk mense maak julle reg vir groot gemors

m

Hallllooooo ons wittes het betaal vir wat ons besit, nie gesteel nie…