Grondkwessie ‘nie meer ʼn nare monster’

Pres. Cyril Ramaphosa spreek die wêreldmedia toe in Davos, Switserland. Foto: ANA

Pres. Cyril Ramaphosa het ’n emosionele etiese argument aangevoer om die land se grondhervormingsbeleid te verdedig teenoor lede van die internasionale media by die Wêreld- Ekonomiese Forum in Davos, Switserland.

Ramaphosa het Woensdag op ʼn nuuskonferensie daarop aangedring dat grondgrype nie geduld sal word nie en dat grondonteiening ordelik en binne ʼn wetlike raamwerk uitgevoer sal word.

Hy het toegegee dat die vraagstuk van grondhervorming wêreldwyd baie belangstelling gewek het asook baie debat binnelands, maar hy sê dis nodig om toe te sien dat die onreg van die verlede reggestel word.

“Ons het dit in verskillende forums wêreldwyd gesê en die versekering gegee dat ons nie grondgrype in Suid-Afrika sal toelaat nie,” het Ramaphosa gesê.

“Grondhervorming sal ingevolge die Grondwet behartig word, maar … ons sal seker maak dat ons sorg vir die mense wat die reg ontsê is om grond te besit.”

Ramaphosa het gesê: “Ek dink ons is op ʼn goeie pad.”

Hy het die proses van openbare oorlegpleging verduidelik en gesê die grondkwessie is nie meer die “nare monster wat mense gemeen het dit sou wees nie. Dit strook met ons transformasieproses om Suid-Afrika beter te maak, om dit ʼn beleggingsbestemming te maak.”

Volgens hom het die regering nie ʼn verskuilde agenda nie. “Ek meen dis waarom ons op ons beleggingskonferensie met beleggers kon praat oor ons benadering tot grondhervorming en hulle tot $20 miljard kon belê.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

83 Kommentare

jongste oudste gewildste
Jan

So dit wat tans in Hermanus gebeur is n leun? Al is dit self’s n DA stadsraad?

Irma

Né !!!!

honourable member

Vertel weer vir die wereld wat hulle wil hoor maar in werklikheid gebeur dinge baie anders.

Johann M van Heerden

Wakker slaap mense. Die ou vertrou ek nie. Hy moet seker dink ons is onder ‘n kalkoen uitgebroei! Die grond probleem is eenvoudig te wyte aan ‘n ANC regering wat nie die huidige markkragte gebruik het om te verkry nie. Dit wat wel verkry is opgemors. Hier kom groot moeilikheid as hulle grond gaan begin vat. Ons gaan baklei vir wat ons het.

Judge Dredd

Dis natuurlik die man wat gese het daar is geen plaasmoorde.