Grondonteiening: ‘Hoekom moet boere nog voedsel produseer?’

Louis Meintjes, president van TLU SA. Foto: Reint Dykema

“Dit kos meer as R6 000 per hektaar om te ploeg en te plant. Hoekom nog voedsel produseer? Boere sal nou twee keer dink om daardie groot onkoste aan te gaan as daar ʼn groot moontlikheid is dat die grond gevat kan word en hulle die risiko loop om alles te verloor.”

Só sê Louis Meintjes, president van TLU SA, in reaksie op die parlement se grondwetlike hersieningskomitee se aanvaarding van ʼn verslag waarin aanbeveel word dat die Grondwet gewysig moet word om uitdruklik voorsiening te maak vir onteiening sonder vergoeding.

Die aanvaarding van die verslag is nog ʼn stappie nader daaraan om onteiening sonder vergoeding ʼn werklikheid te maak. Die verslag sal nou aan die nasionale vergadering voorgelê word waar dit gedebatteer sal word.

Meintjes sê die aanvaarding van die verslag het nie vir TLU SA as ʼn verrassing gekom nie, aangesien dit te wagte was “in die lig van die twyfelagtige prosesse en die emosionele opswepery”. Hy meen dat dié verwikkeling egter nou onsekerheid onder boere veroorsaak of hulle nog enigsins vir die nuwe seisoen moet plant as dit moontlik is dat hulle net alles gaan verloor.

“Die president van die land moet nou sê waarom boere wel behoort voort te gaan om te plant,” sê hy.

“TLU SA gaan voort met sy internasionale veldtog en sal die Verenigde Nasies se Menseregtekommissie die einde van die maand inlig dat die Suid-Afrikaanse regering sy Grondwet wil wysig om grond van sy onderdane te steel, terwyl die Suid-Afrikaanse boere hulle grond wettig bekom het.”

In teenstelling met Meintjes se reaksie het die African Farmers Association of South Africa (Afasa) Vrydag die aanvaarding van die verslag verwelkom. Neo Matshile, voorsitter van Afasa, sê die hersieningskomitee se besluit “weerspieël die sienings van die meerderheid Suid-Afrikaners dat daar ʼn behoefte is aan dringende en versnelde grondhervorming om die ongeregtighede van die verlede reg te stel”.

Matshile sê die organisasie staan onwrikbaar agter die instelling van grondonteiening sonder vergoeding en glo dit sal landbouproduksie en voedselsekuriteit verbeter.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

85 Kommentare

jongste oudste gewildste
Johann M van Heerden

So strompel en val ons tot niet. Waar o waar is al die slimjanne van pre 1994. Die Nobel pryswenners en gladde monde wat ons so uitverkoop het terwyl beloftes van ‘wigte en teen wigte’ gemaak was. Nou moet elke mens en organisasie maar spartel en spook.

Swart teen wit

Alles in SA het swart teen wit geword. Hoekom moet enige wit mens nog enige bydrae tot die land oorweeg as dit die norm is ? BEE is swart teen ‘n ongelooflike minderheid wit. Grondonteiening klink uit die berig dat dit net die wittes se grond is wat gevat gaan word.

Ondersteunet

Laat die wat dit verwelkom het nou maar spartel. Ondersteun net jou eie mense en verspry jou goed self an privaat en nie meer an maskapye nie.

Antoinette

Mmm as ons moet wag vir President om te se of daar geplant moet word gaan ons lank wag en daaroor gaan hy ook lieg so los maar!

Sarel

Wat is Agri SA se reaksie.