Grondonteiening: Ramaphosa paai oorsee

Pres. Cyril Ramaphosa en Antonia Tajane, voorsitter van die Europese parlement. Foto: Elmond Jiyane/GCIS

Pres. Cyril Ramaphosa het Donderdag terwyl ʼn voorlopige verslag goedgekeur is om die Grondwet te wysig om onteiening sonder vergoeding moontlik te maak, gesê die fokus van grondhervorming is onder meer om beleggersvertroue te handhaaf.

Ramaphosa het tydens ʼn mediakonferensie ná afloop van die SA-EU-beraad in België en Frankryk gesê grondhervorming het ook ten doel om landbouproduksie te bevorder, voedselsekerheid te verbeter en armoede te verminder.

Hy het gesê die Suid-Afrikaanse regering het sy toewyding tot die waardes van die land se Grondwet, die oppergesag van die reg en die beginsel van billike en regverdige regstelling bevestig.

Ramaphosa se uitlatings volg kort nadat die grondwetlike hersieningskomitee die aanbevelings aanvaar het dat artikel 25 van die Grondwet gewysig moet word. Die ANC, EFF en National Freedom Party het die wysiging ondersteun. Die DA, VF Plus, Cope en ACDP het die wysiging teengestaan. Die verslag sal nou in die Nasionale Vergadering gedebatteer word.

Ramaphosa het verder gesê die uitkoms van die beraad ondersteun en versterk die inisiatiewe wat in Suid-Afrika van stapel gestuur is om belegging te versnel, werksgeleenthede te skep en groei in die ekonomie te bevorder.

“Ons het saam met die EU ons daartoe verbind om geleenthede vir belegging, tegniese bystand en die verbetering van die sake- en beleggingsklimaat te ondersoek om volhoubare ontwikkeling te bevorder.

“Ons het ook ingestem om samewerking rakende belegging te versterk ter ondersteuning van ekonomiese ontwikkeling, infrastruktuur, industrialisering, vaardigheidsontwikkeling, kleinsake-ontwikkeling en entrepreneurskap.”

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

76 Kommentare

jongste oudste gewildste
Teenoorgesteld

Presies die teenoorgestelde van wat hy sê is waar.

julius

All die kundigheid wat cr oorsee soek is reeds in sa, maar hy kan en wil dit nie gebruik nie weens bee. Gee ons land terug!!

Nelia van Zyl

Glo hierdie mense Ramaphosa se stories? Hulle moet stapelgek wees om in hierdie vervalle, vuil, verrotte en misdaadgeteisterde piesangrepubliek te wil belê.

Bokram

Hy paai oorsee,maar hier by sy eie mense kan hy nie sy man staan nie,hy het nooit met die boere gepraat oor dit nie,hy is n slang ja.

hendrik

En die maan is van kaas gemaak en tandfeetjies bestaan rerig en wolf het rerig vir ouma opgeeet.