Grondonteiening sal nie politici of elite bevoordeel nie, sê Ramaphosa

Pres. Cyril Ramaphosa. Argieffoto

Grondonteiening sonder vergoeding sal nie politici of die elite bevoordeel nie, maar lei tot ʼn wen-wen-situasie vir almal, het pres. Cyril Ramaphosa Saterdag gesê.

“Die grond gaan nie aan politici gegee word nie, dit gaan aan ons mense gegee word,” het Ramaphosa tydens ʼn sakeontbyt in Pietermaritzburg gesê as deel van die ANC se nasionale “Thuma Mina”-naweekveldtog.

“Uiteindelik in die grondhervormingsproses, gaan gryp revolusionêre partye grond vir hulleself. Die elite gryp grond. Dit is nie ʼn bemagtigingsproses vir die elite nie. Dit is ʼn bemagtigingsproses vir al ons mense.”

Sihle Zikalala, voorsitter van die ANC, en adjunkvoorsitter Mike Mabuyakhulu het ook die geleentheid bygewoon.

“Ons wil ʼn wen-wen-uitslag hê, ons wil hê ons mense moet wen en net so wil ons hê dat diegene, wat grond besit, ook ʼn mate van sukses moet behaal,” het Ramaphosa bygevoeg.

Sommige maatskappye het reeds vir hom gesê hulle “wil grond weggee” en gesamentlike eienaarskap is een van die maatreëls wat oorweeg word. “As ʼn land moet ons beheer word deur die wet. Vorige leiers van hierdie land het gedoen net wat hulle wil. Nou wil ons hê die wet moet bepaal hoe ons met mekaar saamleef.”

Wat betref die land se resessie het Ramaphosa gesê “dit sal waarskynlik binne die volgende kwartaal self regkom”. “Boonop was ons al hier. Ons het al dié situasie beleef en ekonomieë beleef siklusse. Ekonomieë groei en daal soms,” het hy gesê. “Slim regerings kan leiding gee deur moeilike ekonomiese tye, en dit is wat die regering sal doen. Ons sal reageer en ons sal binnekort die regering se reaksie bekend maak oor wat ons wil doen om ʼn inspuiting in ons ekonomie te verseker.”

Hy het gesê die regering hou sy vinger op die pols van dit wat gebeur. “Werkskepping is nog steeds ʼn groot probleem, maar maatreëls sal ingestel word om dit aan te spreek.”

Ramaphosa sal na verwagting Saterdagmdidag ʼn gemeenskapsvergadering in Chatsworth toespreek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

66 Kommentare

jongste oudste gewildste
zoom zoom

Want hulle is reeds bevoordeel.

AmY

Gaan jy jou rykdom ook deel, mnr Ramsposa? Jy het meer geld en eiendom as my hele familie saam.

honourable member

Ja ons glo jou. En die maan is van kaas gemaak.

Die waarheid

Wat n grap. Hy dink die blankes is dom

Dof

Dink ramapadda ons glo hom??hoe dof kan jy nou wees.