Grondonteiening sonder vergoeding: Laaste dag vir insette

Argieffoto

Suid-Afrikaners het nog slegs ʼn enkele dag (Vrydag 15 Junie) om insette te lewer op die voorgestelde wysiging van die grondwet om voorsiening te maak vir grondonteiening sonder vergoeding.

Die ANC het Suid-Afrikaners Donderdag aangemoedig om gebruik te maak van dié geleentheid om geskrewe kommentaar oor die voorgestelde wysiging te lewer.

Die gesamentlike parlementêre grondwethersieningskomitee het verlede maand vergader om sy program vir openbare verhore oor die voorgestelde wysiging te bespreek. Die komitee is opdrag gegee om art. 25 van die Grondwet te hersien om dit moontlik te maak vir die staat om grond te onteien in openbare belang en om die nodige grondwetlike wysigings voor te stel. Hierdie proses verg egter dat die komitee die publiek moet nooi om kommentaar op die proses te lewer om alle belanghebbendes se sienings te kry en in ag te neem.

Die hoofsweep van die ANC, Jackson Mthembu, het Donderdag tydens ʼn inligtingsessie aan die media bevestig dat die grondwethersieningskomitee ná die sperdatum tussen 9 en 13 Julie aandag sal gee aan geskrewe kommentaar. Die komitee sal ook van 27 Junie tot 4 Augustus openbare verhore in al nege die land se provinsies hou om die voorgestelde wysiging te bespreek. Mondelinge vertoë sal van 7 tot 17 Augustus in die parlement aangehoor word. Daarna sal die komitee oor sy konsepverslag beraadslaag wat na verwagting op 11 September 2018 gereed sal wees, waarna aanbevelings aan die nasionale vergadering gemaak sal word.

In Meimaand het die komitee gesê hy het reeds meer as 100 000 geskrewe kommentare ontvang.

Lede van die publiek wat geskrewe kommentaar wil indien oor die wysiging van die grondwet om voorsiening te maak vir grondonteiening sonder vergoeding, kan dit op een van die volgende wyses doen:

  1. Per pos aan Me. Pat Jayiya, Komitee-afdeling, Posbus 15, Kaapstad, 8000
  2. Per e-pos aan [email protected]
  3. Per faks aan 086 465 0678
  4. Per selfoon aan 081 441 0345
  5. Skakel (021) 403 3661
  6. Lewer kommentaar per hand af by W/S 091, Derde Vloer, Pleinstraat 90, Kaapstad

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

76 Kommentare

jongste oudste gewildste
Hendrik Rosslee

Ek is teen grondonteiening tensy dit met vergoeding gebeur

Thereza oosthuizen

Ek is heeltemal teen die grondonteiening…

Marthinus Labuschagne

Eiendom waarvoor daar betaal is, is elke mens se reg om dit te bewaar en te beskerm teen alles moontlik. Dus is ek daarteen gekant dat die Regering eiendom kan vat sonder vergoeding.

Jaco van Niekerk

Vir jare het ons boere hard gewerk, harde klippe gekou en in die gesig van plaasaanvalle gestaar. Grond onteiening sonder vergoeding is n direkte aanval op hierdie groep mense. Indien grondonteiening seevier is al daardie harde werk en sweet verniet. Nie een van die plase ,wat voorheen al gevat is, is produktief nie. Inteendeel dit is vernietig. Ek is 100% teen onteiening sonder vergoeding. As hulle grond wil he moet hulle werk daarvoor en ook betaal daarvoor soos wat die boere vir jare gedoen het.

John

Die ANC gee geen verduideliking van wat beoog word nie en waar en hoekom vergoeding nie betaal gaan word nie. Waar is die geskrif en uiteensetting? Nou moet mense daarop reageer. ‘n Babelse verwarring word doelbewus opgekook om uiteindelik die uitwis van die wit boerdery-gemeenskap en ons kosvoorraad te bewerkstellig. Dis dit. Soos ‘n man in die verlede kon se wat hy graag nog wil eet voor hy gehang word… terwyl hy opgooi van angs. Die woord ‘vergoed’ beteken wat en ‘sonder vergoeding’ wat? Wie kan iets se oor iemand anders se wel en wee as hyself nie weet wat… Lees meer »