Grondwethof sê oor Oscar Pistorius se appèlaansoek

Oscar Pistorius. Foto: Werner Beukes/SAPA

Die konstitusionele hof het uitspraak gelewer in Oscar Pistorius se aansoek om teen sy vonnis te appelleer.

Die hof het Pistorius se aansoek van die hand gewys. Pistorius dien tans ʼn vonnis van 13 jaar en vyf maande tronkstraf uit vir die moord op sy vriendin, Reeva Steenkamp, wat hy op Valentynsdag 2013 in sy huis in Silver Lakes, Pretoria, doodgeskiet het.

Pistorius is aanvanklik tot ses jaar tronkstraf gevonnis, maar dié vonnis is deur die appèlhof in Bloemfontein verleng nadat die staat teen Pistorius se vonnis geappelleer het.

Die staat het aangevoer dat daar geen wesenlike en dwingende faktore was wat regverdig het dat regter Thokozile Masipa van die minimum voorgeskrewe vonnis van 15 jaar vir moord moes afwyk nie. Die appèlhof het Pistorius se vonnis na net meer as 13 jaar aangepas omdat die hof in ag geneem het dat Pistorius reeds tronkstraf uitgedien het.

Volgens die hofdokumente wat Pistorius se regspan by die konstitusionele hof ingedien het, word daar aangevoer dat die appèlhof “wesenlike feitelike bevindinge van die verhoorhof geminag of geïgnoreer het”.

Pistorius voer aan dit is ʼn skending van sy grondwetlike reg tot ʼn regverdige verhoor wat die vonnis-gedeelte insluit. Hy meen dit is ook ʼn oortreding van sy grondwetlike reg om nie na willekeur of sonder rede van sy vryheid ontneem te word nie. In die aansoek word aangevoer dat dié oortredings van Pistorius se grondwetlike regte gelei het tot ʼn mislukking van geregtigheid.

Pistorius was in Desember verlede jaar weer in die nuus nadat dit aan die lig gekom het dat hy geringe beserings opgedoen het toe hy glo in ʼn rusie betrokke geraak het met ʼn ander gevangene in die Atteridgeville Korrektiewe Sentrum in Pretoria waar hy tans tronkstraf uitdien.

Singabakho Nxumalo, woordvoerder van die departement van korrektiewe dienste, het gesê Pistorius het glo in ʼn rusie betrokke geraak met ʼn ander gevangene oor die gebruik van ʼn openbare telefoon in die spesialesorg-eenheid van die gevangenis.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

75 Kommentare

jongste oudste gewildste
Alida

Oscar bitter jammer vir jou my kind. Jou velkleur tel teen jou.

Valerie

Die enigste, regverdigste, en regte besluit deur die hof.

JohanC

Hopelik is dit nou die einde van die Oscar moordsaak want alles wat sy regspan ookal probeerhet , is tot totale mislukking gedoem.

Oscar moet net aanvaar dat hy n moordenaar is van n beeldskone jong vrou want hy is tereg skuldig bevind aan moord al was dit ook dolus eventualis. Oscar moet liewer elke
dag op sy kniee gaan en dankie se dat hy nie lewenslank gekry het nie.

EN ai tog nou is al Oscar se ondersteuners wat so onwrikbaar in sy onskulg geglo het weer van vooraf ontsteld en vol selfbejammering vir Oscar

Linda

Hy moet maar sy straf aanvaar aangesien hy Reeva se grondwetlike reg op lewe van haar af weg geneem het, deur haar te vermoor.

Linda

As jy n moordenaar is het dit niks te doene met velkleur, ras, of wie jou familie is nie ! Asook geen ledemate ens het nie…..Jy moet betaal vir jou dade !