Groot beloning vir inligting oor vermoorde paartjie

Rosalie Bloch en Aubrey Jackson. Foto: Facebook.

ʼn Beloning van R60 000 is Donderdag uitgeloof aan enigiemand met inligting wat tot die inhegtenisneming van verdagtes in die moord op ʼn Kaapse paartjie kan lei.

Maroela Media het vroeër berig Aubrey Jackson (94) en Rosalie Bloch (84) is op 8 Mei verlede jaar in hul huis in Rosebank, Kaapstad, dood aangetref. Die paartjie se seun is die onderwysbeleidskenner Graeme Bloch wat getroud is met struggleveteraan Cheryl Carolus.

ʼn Familielid het omstreeks 09:00 op die paartjie, wat 30 jaar lank lewensmaats was, se liggame afgekom. Hulle was albei vasgebind.

ʼn Saak van moord en huisroof is destyds ná die moorde aanhangig gemaak.

Kapt. FC van Wyk, woordvoerder van die polisie, het die beloning aan Maroela Media bevestig.

Volgens Van Wyk is niemand nog in verband met die moorde in hegtenis geneem nie.

Die polisie doen ʼn beroep op die gemeenskap om enige inligting rakende die moorde by die ondersoekbeampte, speursers. Kevin Kok, by 064 352 5493 aan te meld.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
KG

Ek glo as jy sulke bejaarde mense kan vermoor is jy ongelooflik vrot van binne!!!

Nita

Diesulkes wat hierdie dade pleeg, is van die duiwel besete.

Cherokee

Interessante brokkie inligting wat vertel met wie hul seun getroud is.

humor

Reeds 7 – 8 Mei verledejaar vermoor en niemand nog in hegtenis geneem nie. Die hoop bleik maar skraal te wees. Maar die arm van die gereg kan tog ook lank wees. Ons hoop maar van die beste.

Hartseer

My meegevoel met die familie van die vermoorde paartjie. Maak nie saak wie jy is nie, of met wie jy getroud is nie. Niemand verdien om vermoor te word nie.