Groot nuus vir Ford Ranger-aanhangers

Ford Ranger Raptor (Foto: Ford)

ʼn Veldrenweergawe van die hoogs gewilde Ford Ranger-bakkie sal binnekort bekend gestel word.

Ford Suid-Afrika het dié nuus Donderdag bevestig. Die nuwe weergawe van die bakkie sal bekend staan as die Ford Ranger Raptor.

Die motorvervaardiger het in ʼn verklaring gesê dié bakkie beloof om ʼn leier in sy klas op die pad en in die veld te wees.

Die bakkie spog met ʼn eksterne 4X4-veldryvoorkoms en gaan glo veldryvermoë hê wat nog nooit voorheen in ʼn bakkie in dié middelgrootte-segment beskikbaar was nie.

Die Raptor word op dieselfde raamwerk as die Ranger gebou.

“Die kombinasie van die gevorderde veldryvermoë van die Raptor met die veelsydigheid van die Ranger is ’n groot prestasie vir Ford se wêreldgehalte-ingenieurs- en ontwerpspanne,” het Jamal Hameedi, ʼn hoofingenieur vir die motorvervaardiger, in ʼn verklaring gesê.

Ford se soortgelyke bakkie, die F-150 Raptor, is ʼn groot sukses in die buitelandse motormark.

Ford Ranger Raptor (Foto: Ford)

Ford Ranger Raptor (Foto: Ford)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

40 Kommentare

jongste oudste gewildste
Burger

Blykbaar is die omgwingsimpakstuiudie nog nie voltooi nie . Bekommernis oor olie lekke in die veld .

Waghond

Nou kan Ford Raptor meeding met Amarok V6.

Anoniem

Wat van Navara V6 ?

Ekwilibrium

Lekka lekka! Nou moet hulle net weer ‘n Cortina XR6 ook vrystel.

Callie

Hoekom het Mercedes n Navara onderstel. Niks kom by die Navara nie