Groot skade aan 140 jaar oue stadsaal

Groot skade is aan die stadsaal in Komani aangerig. (Foto: Twitter)

ʼn Brand wat oor die naweek in die stadsaal in Komani (Queenstown) in die Oos-Kaap uitgebreek het, het groot skade aan die binneruim van die historiese gebou aangerig.

Woordvoerder Lonwabo Kowa sê die munisipaliteit is “verpletter” deur die brand by een van sy mees noemenswaardige erfenisterreine.

Meubels en werkstoerusting is vernietig toe ʼn brand Vrydag laataand by dié historiese gebou, wat uit 1882 dateer en die Enoch Mgijima- plaaslike munisipaliteit huisves, uitgebreek het. Min skade is wel aan die buitenste struktuur van die gebou aangerig.

Kowa het bevestig die gebou is verseker, maar sê die brand sal ongetwyfeld ʼn invloed op dienslewering hê.

Die brandende stadsaal in Komani. (Foto: Twitter)

Die historiese stadsaal het voor die brand verskeie kantore, waaronder dié van die uitvoerende burgemeester, die speaker, die hoofsweep, die munisipale bestuurder, die bedryfshoof en die korporatiewedienstedepartement, gehuisves.

Nuwe reëlings rakende kantoorruimte moet nou getref word.

Die presiese oorsaak van die brand is nog onduidelik en die polisie stel ondersoek in.

“Ons doen ʼn beroep op enigiemand met inligting wat in die ondersoek kan help om dit by die polisie of munisipale kantore aan te meld,” sê Kowa.

“Die uitvoerende burgemeester, speaker en alle lede van die raad is vasbeslote om te verseker dat geen steen rakende die saak onaangeroer gelaat word nie.”

Maroela Media het vroeër berig polisiebeamptes op patrollie het die naweek rook uit die stadsaal sien trek en ondersoek gaan instel.

Brig. Thembinkosi Kinana, polisiewoordvoerder, het vanoggend gesê brandondersoekers sal na verwagting ʼn verslag verskaf nadat hulle die voorval ondersoek het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

16 Kommentare

Chris dupreez ·

Los die plek so, moet dit nie herstel. Dit is maar net nog een van die bewyse van hoe die anc Suid Afrika afbreuk en vernietig. Eendag sal hulle eie nageslagte kan sien hoe hulle die eens pragtige land vernietig het

Samuel ·

Hoe verpletter is hierdie mense werklik?

Hierdie is mos ‘n gebou uit die koloniale era; nogal Brits. Is dit nie baie toevallig dat historiese geboue nou skielik brand nie?

AW ·

Maak nie sin vir my dat hy so iets sal sê…..

Want alles omtrent Queenstown kom van die Britte af……

Lourens CFG ·

Ek vermoed daar is ‘n groep agter al hierdie brande by ons geboue, m.a.w. tereur dade.
Dat nét daardie geboue so onverklaarbaar begin brand, en dan is dit ‘n GROOT brand, wys daar moet brand aanhitsers (flammables) gebruik word. In sekere gevalle is die brand bestrydings stelsels buite werking gestel.
Mmmmm, I smell a huge rat.

Pietertjie ·

So word dít wat die ANC verniet gekry het, afgebreek want dit het geen waarde vir hulle nie. Hulle het nie gewerk en bloed gesweet daarvoor nie. Hou dit só, want dit sal hulle nalatenskap wees.

Pieter ·

Streng gesproke het ons dit ook verniet gekry. Die verskil is dat ons mense dit waardeer wat ons gekry het. Ons hou dit instand en bewaar dit. Die manne wat nou aan bewind is het geen benul van waarde nie. Hulle is soos die plastieksakbrigade, hulle krap deur die “sakke”, vat wat hulle soek en gooi die res weg. Heg geen waarde aan enigiets nie

Shakespeare ·

Viva ANC/EFF. Julle is goed oppad om die land totaal te verwoes oppad na ‘n bedel staat waar burgers aalmoese ontvang vd regerende party om te oorleef. Net jammer die stemvee is te blatant onnosel om dit raak te suen.

Jr ·

Bou n stadsaal wat lyk soos nKhandla. Sissie Sieszulu wil n afrika constitution hê

Pieter ·

Die Oos Kaap het ek afgeskryf. Sal nie daar vakansie hou nie, belê of besigheid doen nie. Verander al die plekname stil-stil, ANC vesting en drein ons belastinggeld met min waardetoevoeging.

Mariana ·

Skielik brand historiese geboue en niemand dink daar sit iets of liewer iemand agter nie. Die mense in die land moet wakker skrik, hulle brand als reg rondom ons af en daar word nooit iemand gevang nie. Daar is iets nie reg nie

Sean ·

As jy n nasie wil verwyder van die aangesig van die aarde vat sy godsdiens geskiedenis sport taal en sy erfenis weg

Ontnugterde senior ·

Lourens ek stem. Hulle wil alles wat vir die blankes van waarde is vernieting.

Waarnemer ·

Die ou wie kwansuis die parlements geboue aan die brand gesteek het,is hy op borgtog?,ek wonder maar net of hy nie ook weer die skuld gaan kry vir hierdie brandstigting nie.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.