Die brand het groot skade aan die winkel aangerig. (Foto: Verskaf)
Groot skade is aan die winkel van ʼn bekende groothandelaar in die weste van Pretoria aangerig toe ʼn brand Saterdag kort na 18:00 daar uitgebreek het.
Roland Hendricks, woordvoerder van die Tshwane-nooddienste, sê die brand het die verkopeafdeling van Cosave Powerbuild & Wholesalers in Kirkney heeltemal verwoes, terwyl skade ook aan die administrasiekantore aangerig is.
Die hulp van verskeie ander brandweerstasies is inderhaas ontbied nadat lede van die Nel Park-brandweerstasie aanvanklik op die brand gereageer het.
(Foto: Verskaf)
Teen Sondag was brandweerlede steeds besig om te keer dat enige smeulende gedeeltes weer opvlam.
Volgens Hendricks is niemand in die voorval beseer nie.
Die oorsaak van die brand is in hierdie stadium nog nie bekend nie en word ondersoek.
Dis so hartseer. Sterkte mense
Mens wonder hoe die brand ontstaan het. Terloops, my Afrikaans juf. het altyd die horries gekry as mens praat van hardewarewinkel. Dit moet ysterwarewinkel wees…..
Jou juffrou is van die pad af. Hulle verkoop beslis nie net ysterware in so ‘n winkel nie
Ironware shop ipv hardware shop .
I dont think so.
Ek het by 2 vorige geleenthede onveilige werkspratyke aan van die werkers uitgewys. Die laaste was 2 weke terug toe ‘n sweiser ongeveer 5m van die gasaanleg af gesweis het. Hulle was besig om bottels te vul. Die jong man het dit afgelag en gesê hulle “is versigtig”. Die brand en skade is uiters hartseer, maar nie ‘n verrassing nie.