Groot verliese vir Poskantoor voorspel

(Argieffoto)

Die Suid-Afrikaanse Poskantoor sal na verwagting verliese van sowat R2,1 miljard aanteken vir die huidige finansiële jaar en benodig duidelikheid oor sy mandaat van die regering indien die beleërde entiteit homself wil regstel, het die nasionale tesourie Dinsdag aan LP’s gesê.

“Baie moet gedoen word wat betref herposisionering by die Poskantoor. Die aandeelhouer moet die entiteit bystaan in sy mandaat om te bepaal wat die Poskantoor veronderstel is om te behaal,” het Ravesh Rajlal, hoofdirekteur by die tesourie, aan die parlementêre staande komitee oor bewilliging gesê.

Rajlal het gesê die Poskantoor sou na verwagting verliese van sowat R177 miljoen vir die huidige finansiële jaar aangeteken het voor die Covid-19-krisis die situasie dramaties versleg het. Die Poskantoor het verlede jaar verliese van sowat R1 miljard getoon.

Hy het gesê die entiteit is in ʼn verknorsing omdat dit nie soos ander instansies in sakeredding geplaas of gelikwideer kan word nie, kragtens sy stigtingswette.

Volgens Rajlal is administrasie ʼn moontlikheid, “maar ons wil uiteraard nie daardie paadjie volg nie”.

Die kern van die probleem is die Poskantoor se onvermoë om omkeerstrategieë te implementeer. “Die Poskantoor kon nie enige omkeerstrategieë implementeer nie. Die Poskantoor het die afgelope 12 jaar eintlik nie enige omkeerstrategieë ingestel nie.”

Indien ʼn omkeerstrategie in plek sou wees, sou die entiteit waarskynlik in ʼn beter toestand gewees het om die wêreldwye gesondheidskrisis te deurstaan, aldus Rajlal. “Onstabiliteit op bestuursvlak dra by tot die probleme. Daar is nie ʼn werklike permanente bestuurspan nie, so daar is nie eintlik enige aanspreeklikheid wat betref swak prestasie in omkeerstrategieë nie.”

Dit kom te midde van spanning tussen Stella Ndabeni-Abrahams, minister van kommunikasie, en die raad van die Poskantoor, met die voormalige voorsitter Colleen Makhubele wat die minister hof toe sleep oor haar afdanking.

Minstens R11,6 miljard is die afgelope 12 jaar in ondersteuning aan die Poskantoor oorbetaal.

Rajlal het gesê die Poskantoor versoek R4,9 miljard in bykomende finansiering om die onvoorsiene verliese te hanteer wat weens die Covid-19-pandemie ontstaan het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
Andre

Nee wat maak maar toe..ons gebruik koerier dienste vir enige aflewering en laat ons pakkies deur betroubare mense afgelewer word.Julle het julle eie gat gegrawe en moet maar sukkel daarin.Meskein eendag as kundige mense weer in beheer is kan julle weer probeer.

DieKriek

Die Poskantoor? Wat is dit? Maak maar toe; al wat hulle kan doen deesdae is motorlisensies en dit so stadig as moontlik. Van pos hanteer weet hulle niks nie.

Terloops, dis Stella, nie Stalle nie.

Hans

Nog n entiteit was deur korrupsie en diefstal ten gronde gery is. Almal het begin om alternatiewe aflewerings te gebruik, wat verseker jou goedere kom heel en onbeskadig by jou aan sonder om ure in n tou te staan vir diens

Johnny

Dit is in elke geval onmoontlik om by ons plaaslike takke besigheid te doen. Taxis vol mense word van die omliggende nerdersettings aangery vir die R350 Covid uitbetalings. Honderde staan in die rye sonder maskers of enige spasieering. Daar word openlik orals ge-urineer en ontlas, wie sal nou wil besigheid doen met so instelling ?

Stof

Ek het baie respek vir die poskantoor. Hulle diens bemagtig ons om beter te kan dien waar ons geroep is. Mag die uitkoms ruim wees en hulle spoedig weer in hul volle glorie dien.