Groot verrassing vir Pta-seun ná mesaanval

Foto: Verskaf

Foto: Verskaf

Die laerskoolseun van Pretoria-Noord wat Maandag deur rowers met ʼn mes gesteek en van sy fiets beroof is, het weer ʼn groot glimlag op sy gesig nadat ʼn plaaslike motorfietsgroep ʼn splinternuwe fiets aan hom geskenk het én hom boonop ere-lidmaatskap gegee het.

Maroela Media het vroeër berig Frans van Zyl (13) is in die hospitaal opgeneem nadat twee rowers hom helder oordag naby sy huis oorval en met ʼn mes in die rug gesteek het. Hulle het met sy fiets gevlug. Frans het huis toe gehardloop en sy ma, Cecilia, het met hom hospitaal toe gejaag.

“’n Motorfietsgroep, die Chosen Soldiers, het van Frans se ondervinding gehoor en besluit hulle wil ʼn nuwe fiets aan hom skenk,” het Cecilia gesê. “Hulle het toe met my gereël dat ons vir hom ‘n samekoms by ʼn vriendin se huis reël as ʼn verrassing. Ek het hom Donderdagaand gevra om saam met my te ry na die vriendin se huis toe en daar het 16 motorfietsryers op hul motorfietse hom ingewag.”

Foto: Verskaf

Foto: Verskaf

Sy het gesê Frans was heeltemal oorweldig deur die oomblik en was in die wolke oor sy nuwe fiets. “Hulle het ook die motorfietsgroep se nommer op sy fiets geplak en gesê hy is nou amptelik ʼn lid van die groep, al werk sy fiets nie met brandstof nie,” het Cecilia laggend vertel. Frans het foto’s saam met die motorfietsryers geneem en al die motorfietse bewonder en oor hulle uitgevra.

Die eerste ding wat hy Vrydagoggend wou doen, was om saam met sy pa om die blok te gaan ry met sy fietsy. “Dit was net so ʼn wonderlike manier om die nare ondervinding in iets positief om te skakel. Dit was ʼn ongelooflike gebaar van hierdie groep motorfietsryers en wys net dat die persepsie dat motorfietsryers gewelddadig of ongeskik is, glad nie akkuraat is nie! Hulle was wonderlik.”

Intussen herstel Frans goed van sy meswond en het hy hierdie week begin om berading te ontvang, het Cecilia gesê. Hy sal volgende week terugkeer skool toe.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

25 Kommentare

Elaine de Bruyn ·

DIT IS NOU WAT ONS BIKERS SE HARTE SO BLY MAAK..MOOI SO MANNE.TROTS OP JULLE.ONS BIKERS DOEN BAIE VIR DIE GEMEENSKAP EN VERAL CHARITY..GLAD TO BE N BIKER..

Landie ·

Dis nou nice van hulle. Mag jy sommer vinnig beter voel grootseun!!!

Louis ·

Wel gedaan vir daai groep bikers,n huge high five vir julle wens net daai artikel kan landswyd gepupliseer word of nog beter wereld wyd

Juanita van den Berg ·

Welgedaan manne, dit is nou `n wonderlike gebaar van julle kant af.

George ·

Dit is baie wonderlik om sulle dinge te lees. 11/10 vir die motorfiets klub. Julle sal julle loon ontvang in die lewe hierna.

René ·

Baie mooi gebaar. Ons is ook motorfiets ryers en gebare soos hierdie laat ons harte somme sjokelade pomp.

Arleen ·

Ek is so bly om te sien dat daar mense is wat omgee vir ons gemeenskap. Wel gedaan julle.

tina ·

Awesome!!!.Baie bly dat hierdie seun na sy nare ondervinding, sy vertroue in die omgee van mense, herstel kan kry en leef on sy verhaal te vertel.
Dankie en baie seen aan al die motorfietsryers wat dit moontlik gemaak het.

Eliza-beth ·

Baie nice! ‘n Fiets kos deesdae heelwat geld. Ek hoop sy ma koop vir hom pepersproei wat hy PAL by hom hou as hy gaan fietsry!

BoereBikerBaby ·

Bring trane in my oe om te sien hoe goed van ons broeders en susters kan wees! Eks trots om as biker geken te word. Wens mense kan net meer sien wat ons bikers in die gemeenskap doen! En al wat ons vra is om jul oe oop te maak en “think bike” te wees… wel gedaan, sommer my dag gemaak om bietjie iets positief te lees vir ‘n slag!

Niel ·

Dit verander my hele persepsie van ‘n bikergroep. Baie dankie julle. Trots op julle!

CHRISTA ·

Dit bewys weer eens: ons het nog BAIE goeie mense in ons land!! Thumbs Up vir julle ouens!!!

Marie-louise ·

Wel gedaan!!!! Trotse biker (al ry ek net ‘n scooterq

fanus ·

Ek het n biker vriend,hulle doen baie vir liefdadigheid. Goeie werk julle BIKERS.

Amanda ·

Fantasties! Mense met groot harte wat n jong man se lewe veraltyd verander deur hierdie wonderlike daad.

Marius de Beer ·

Dit bring trane in my oë. Dankie aan almal wat nog iets oorhet vir jou medemens. Dis die skat in die hemel waarvan die Bybel praat. Gee sommer weer hoop vir ons mensdom.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.