Gru-foto’s op onderwysdepartement se webwerf skok ná kuberaanval

Foto: Pixabay/JESHOOTS

WAARSKUWING: Die inhoud van die berig kan sensitiewe lesers ontstel.

Die departement van onderwys het Woensdagaand sy amptelike webwerf buite werking gestel nadat grusame foto’s van onthoofde lyke in ʼn kuberaanval op dié webwerf versprei is.

Die departement het gesê die foto’s het gepaardgegaan met ʼn boodskap aan “die regering, die Amerikaners en die res van die wêreld”.

Sommige van die gru-foto’s was dié van kinders.

In ʼn verklaring het die departement gesê die boodskap van die aanvallers op die webwerf was ysingwekkend.

“Aangeval deur Team System DZ. ʼn Boodskap aan die regering, die Amerikaners en die res van die wêreld. Is dit die menslikheid waarop julle aanspraak maak, of is lewe bloot nie ter sake vir Moslems nie? Moenie dink dat dié aksies teen Moslems net verby sal gaan of dat ons sal vergeet wat julle aan die Arabiese en Moslem-mense wêreldwyd gedoen het nie. Ek is lief vir die Islamitiese Staat (Isis).”

Die departement het die kuberaanval ten sterkste veroordeel.

“Ons veroordeel die gru-foto’s wat haat en geweld aanvuur. Ons het onmiddellike stappe gedoen om die beelde van die webwerf te verwyder en vas te stel hoe die webwerf aangeval is. Ons het ook reeds kontak gemaak met die Staatsinligting- en Tegnologieagentskap (Sita).

“Ons doen intussen ʼn beroep op lede van die publiek om geduldig te wees aangesien die webwerf steeds af is hangende die ondersoek,” het die verklaring gelui.

Geen nuwe inligting is in dié stadium bekend nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

22 Kommentare

jongste oudste gewildste
Wagter

Oh my goodness, kan jy nou jouself in dink wat sal gebeur as een van die staat instansies of n skool gaan geteiken word deur n terreur aanval ? Ons sal maar moet spring om die Moslem kinders en hul geloof gelukkig te hou

Piet Pompies

Dit is bloot goedkoop propaganda, die skepper van die beeldmateriaal laai dit op ‘n rekenaar en gebruik ‘n “hacker” om netwerk te infiltreer en versprei die inligting. As enige gebruiker ‘n sekere aksie op sy PC uitvoer maak die rekenaar die beelmateriaal oop. Daar is hy, lekker goedkoop ISIS propaganda….

John

Gister se hofuitspraak oor godsdiens in skole, ‘n ander een oor gebeure 46 gelede… En gisteraand se storie op die Moslemkanaal oor die glo onderdrukking van mense in SA… Dis duidelik dat IS in ons land aan’t woeker is en ‘n magsbasis nastreef. Hoe voel ons skynbaar Moslem-vise-president, wat ook sy hoop stel op staatshoofskap, oor die jongste verwikkeling?

snoefie

versprei die fotos van hulle eie dade. maar ons dien n magtige God. Hy is nie vol wreedheid, haat en wraak nie.

Haas

Díe aanval wys die ware hart van die mohammedaanse geloof. Om net na hul sogenaamde ‘helige Ramadan’ sulke aanvalle te loods wys dat die Mohammedane nie glo in vrede nie maar dat hul geloof slegs met vrees en die bloed van onskuldiges kan voortgaan. Siener het gesê ons gaan laaste die donkerte ingaan en eerste daaruit kom. Ek is van mening dat daardie visioen van hom handel oor die koms van “Islam” wêreldwyd, en hoe die mohammedaanse geloof deur die wêreld gebruik gaan word om Christene te probeer uitroei. Maar ons God sal ons hieruit ly.