Gru-ongeluk eis 15

Die vragmotor en minibustaxi het reg van voor gebots (Foto: EC Department of Transport, Twitter)

Vyftien mense is dood en twee beseer toe ʼn vragmotor en ʼn minibustaxi Woensdagmiddag in die Oos-Kaap reg van voor gebots het. Dié ongeluk het op die N2 tussen Mount Ayliff en Mount Frere omstreeks 16:30 plaasgevind.

Ayanda Paine, die minister van vervoer se woordvoerder, sê aanvanklik is daar 11 mense op die toneel dood verklaar. Reddingsbeamptes het egter sedertdien op nog vier liggame op die ongelukstoneel afgekom.

Al 15 oorledenes was insittendes van die minibustaxi terwyl die twee beseerdes in die vragmotor was. Fikile Mbalula, minister van vervoer, het sy misnoeë uitgespreek oor die minibustaxi wat ten tyde van die ongeluk vol gelaai is. “Dit is teen die afsonderingsregulasies. Die saak is aan die wetstoepassers oorhandig,” het Mbalula gesê. Volgens dié regulasies mag ʼn taxi slegs 70% van sy kapasiteit inlaai.

Mbalula het ook sy medelye met die oorledenes se geliefdes betuig. Hy het die twee beseerdes ook ʼn vinnige en volkome herstel toegewens.

Die Padverkeersbestuurskorporasie (RTMC) se ondersoekeenheid vir botsings in samewerking met die polisie ondersoek die oorsaak van die ongeluk.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

15 Kommentare

jongste oudste gewildste
Leonard

Wás TAXI nodig om Verkeersreëls te oortreë?

Leon

M.a.w. óf die taxi of die vragmotor was aan die verkeerde kant vd pad? Het dié vraag ‘n antwoord nodig?

Genis

Taxi’s steur hulle nie aan die reels nie… Op TV maak hulle of hulle so saam met die taxi industrie gehoorsaam is…

marius

Misnooe omdat hy vol gelaai was? Waarom nie misnoee oor die bestuurswyse van diegene wat soos moordenaars bestuur , en dan geen genade uitvoering soos beslaglegging op voertuie , en direkte tronkstraf nie ?

Jean-Mari

Ek het na fotos op ander artikels ook gaan kyk. Die taxi was aan die regte kant van die pad so in die geval nie verkeerd nie.