Drie mans is Woensdag in ʼn kop-teen-kop-botsing tussen twee vragmotors in die Oos-Kaap oorlede en een man is ernstig beseer.
Volgens Unathi Binqose, woordvoerder van die LUR vir vervoer, veiligheid en skakeling in die Oos-Kaap, het die twee vragmotors op die N10 naby die Olifantskoppas gebots. Een van die vragmotors het ʼn vrag vee vervoer.
ʼn Brand het kort ná die botsing uitgebreek en sowat 14 beeste het in die vlamme omgekom.
“Reddingspersoneel en owerhede kon daarin slaag om van die beeste van die trok te bevry, maar sommige beeste het ernstige beserings opgedoen,” sê Binqose.
Die medebestuurder van een van die vragmotors het die ongeluk oorleef. Hy is na ʼn hospitaal in Somerset-Oos geneem waar hy tans behandel word vir ernstige beserings en matige brandwonde. Hy is egter steeds in ʼn kritieke toestand.
“Motoriste word gewaarsku dat daar moontlike vertragings op die N10 naby die Olifantskoppas sal wees, aangesien wrakstukke steeds van die ongelukstoneel verwyder word.”
Ai so jammer om te hoor!
Dit is hartseer, maar daar moet ook dringend gekyk word na die uiters roekelose manier waarop sommige trok drywers bestuur.
If you look CLOSELY at the road markings on the foto, it is easy to see what happened here. Passing is allowed coming UP the hill (two lanes). No passing allowed for single lane traffic going DOWN the hill (at the point where solid barrier line starts BEFORE approx. point of impact), but the truck going downhill, must’ve taken a chance. This is what happens when people don’t have driver’s licences, or they simply ignore the rules of the road . Sorry that lives were lost here.