Gru-ongeluk met trok eis ses

Die gru-botsing het ses mense geëis [Foto: Sjani Campher, Middelburg Observer]

Ses mense is in ’n kop-teen-kop-botsing tussen ’n vragmotor en sedan Maandagaand naby Middelburg, Mpumalanga, dood.

Volgens Moeti Mmusi, woordvoerder van die provinsiale departement van gemeenskapsveiligheid, het die ongeluk op die N11 tussen Middelburg en Groblersdal, in die rigting van Loskopdam, plaasgevind.

Die vragmotor en sedan het reg van voor gebots [Foto: Sjani Campher, Middelburg Observer]

Die vragmotor het in die rigting van Middelburg gery, terwyl die sedan in ’n teenoorgestelde rigting beweeg het. Dié voertuie het reg van voor gebots.

“Ses insittendes van die sedan, onder wie ’n eenjarige, is op slag dood,” sê Mmusi.

Die vragmotorbestuurder is per ambulans na ’n nabygeleë hospitaal geneem vir verdere mediese behandeling.

Vusi Shongwe, LUR vir gemeenskapsveiligheid in Mpumalanga, sê die toenemende aantal padsterftes op die N11 is kommerwekkend.

“Die regering alleen kan nie die stryd teen padslagting wen nie. Dit is nodig dat alle padgebruikers aktief aan dié stryd deelneem deur altyd die padreëls te gehoorsaam en diegene wat die wet verontagsaam, aan te meld,” sê Shongwe.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

21 Kommentare

Smurf ·

Ja , en soms moet die regering ook iets doen…….soos om die pad te onderhou en so aan……

Perdeby ·

En mense moet soms ook die bollie uit hulle oë vee en kyk waar hulle ry. Dis die bestuurders wat nie die padreels nakom nie, baie eenvoudig.

Pieter ·

“Ses insittendes van die sedan”…….. met ander woorde hy was dan oorlaai ook!

Skappie ·

Mag onse Liewe Heer die families van die wat oorlede is styf in Sy arms vashou en hulle deur dra in hierdie moeilike tyd wat vir hulle voorle.

Sobymykoolkop ·

Nie solank beamptes net op die vingers getik word vir die uitreiking en verkoop van lisensies nie.

Wat Wou ·

Daar gaan deesdae meer mense dood in pad ongelukke as wat daar doodgaan aan COVIT. Dalk moet die slim mense ons spoor vervoer stelsel so n bietjie (so R600 miljaard ) opknap, en die swaar voertuie van die pad afhaal? Ons het n aangaande verwoestende Covit lockdown. Me. kopdoek Zumpi wat van jy en jou regering roep n pad lockdown uit. Julle en die kaders sal genoeg kommisie uit die R600 miljaard verdien as julle dit doen. Julle sal sommer baie werk ook skep. En lewens red. Ek wil weet hoekom steenkool van Pumalanga na Richards Baai per pad instede van per spoor vervoer word?

Pierre ·

Die probleem is nie swaarvoertuie nie dit is gewone burgers wat nie ore het nie, ja hier en daar is daar operateurs wat kanse neem, maar die geduld van gewone burgers is die grootste probleem.

Opinie ·

Baie tragiese insident. Mnr Shongwe, as jou beamptes ook kan ophou om bestuurs lisensies te verkoop, sal dit n goeie begin wees.
Op RSG was n kundige wat beweer 75% van die pad gebruikers in SA, is onwettig op die pad.
75% wat nie die basiese pad reels ken nie.

Annelize ·

Ek wonder of daardie 75% nie straks meer is nie, want dis asof NIEMAND meer die mees basiese van die basiese reels nakom nie.

gpsa ·

Waar is die wets toepassers? Mense ry soos hulle wil, nie net daar die op al die paaie.

Kokerboom ·

Raak ontslae van bekkige kader Minister van Vervoer. Hy verbeel hom hy bestuur ‘n vakunie!

henndrik ·

Die rede is omdat die verkeersdepartemente nie die padreels toepas nie mens sien daagliks hoe voertuie teen ‘n sperstreep ander voertuie verbysteek

RB ·

Net so, Hendrik!!
Maar jy moet onthou hulle moet eers die reel kèn en dàn kan hulle poging aanwend om dit toe te pas.

Casper ·

Ja dan kom een taxi bestuurder so klompie jare terug en sê we don’t breek the rules we bende them,en daar was duisende ongelukke daarna wat deur hulle veroorsaak is met dood en verwoesting die resultate.

Delia ·

Die regering Kan die paaie regmaak en drink bestuurders vasvat en ophou met korrupsie.
En moenie vergeet van onpadwaardige voertuie.
Dis die referring se deel van die stryd

Renier johannes ·

Daar is nie wette vir taxies nie dis reging sponsers en die wet geld nie vir hulle nie vat die verkeers mense ook vas wat geld vat en plaas van boetes te skryf dis hoekom daar nie geld is om paaie in stand te hou nie

marius ·

Ja die regering kan . Deur padvarke in die tronk te stop . Maar dit sal nooit gebeur nie , nie so nie MENEER die lur

SomeOne ·

“en diegene wat die wet verontagsaam, aan te meld,”
daar kom in elk geval niks van slke vervolgings uiteindelik by die howe of velvolgings gesag uit nie

Arno ·

Maak die paaie reg en haal die trokke en taxis soos in die ou dae van die pad af van 6 uur in die aand tot 6 uur in die oggend, of son op son onder

Riaan ·

Ja want hou links en moenie verbysteek op ‘n soliede witstreep word nie geleer as jy jou lisensie skelm koop nie.

Chantel ·

Dis so hartseer, maak nou nie saak wie skuldig is en wie nie. Ek dink regtig dat trokbestuurders se “base” hulle wraggies nie genoeg tyd gun om te rus nie, dis ‘n gejaag na tyd en geld. JA, hulle vat kanse en ja hulle betuur soms swak, maar so ook motoriste. Mense is net eenvoudig te ongeduldig.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.