Gru-ontdekking tydens soektog na vermiste man

Lede van die polisie se soek-en-reddingseenheid besig in die dam. Foto: SAPD

Die polisie in Limpopo het ʼn geregtelike doodsondersoek begin nadat twee bene van ʼn mens Vrydag gevind is waar dit in die Nandoni-dam by Thohoyandou dryf.

Die bene is gevind tydens ʼn soektog deur die polisie se soek-en-reddingseenheid nadat ʼn inwoner van die Hamagidi-nedersetting verlede Saterdag as vermis aangemeld is.

Kol. Moatshe Ngoepe, woordvoerder van die polisie, sê Uvhona Sikhwari is as vermis aangemeld en ʼn soektog is in die gebied rondom die nedersetting begin. Sikhwari se motor is kort daarna verlate langs die Nandoni-dam aangetref. Die sleutels was steeds in die motor se aansitter en Sikhwari se persoonlike besittings was binne die voertuig.

Ngoepe sê ʼn forensiese ondersoek sal bepaal of die ledemate wat in die dam gevind is aan Sikhwari behoort. Intussen gaan die soektog na die vermiste man steeds voort.

Die oorsaak van die oorledene se dood is nie tans bekend nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

4 Kommentare

Poppie ·

Glo die merke aan die bene sal wys of dit agv n krokkedil is of nie

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.