Gupta-koerant berig oor komplot om Zuma te ontsetel

Atul Gupta (Argieffoto)

Atul Gupta (Argieffoto)

Die New Age-koerant en ANN7-nuuskanaal, wat albei deur die Gupta-familie besit word, het Donderdag berig oor ʼn beweerde komplot binne die ANC om pres. Jacob Zuma te ontsetel.

Volgens die berigte was ʼn ANC-faksie besig om Jessie Duarte, adjunksekretarisgeneraal van die ANC en die welgestelde Gupta-familie te gebruik in ʼn “vuil oorlog om beheer te kry”.

In die berigte, wat skerp in teenstelling is met ander media, sou Duarte dissiplinêr aangekla word ná die vergadering van die ANC se nasionale uitvoerende komitee hierdie naweek as deel van ʼn plan om Zuma te isoleer.

ANN7 het op sy webwerf ʼn uitlating deur die adjunkminister van finansies, Mcebisi Jonas, dat die Gupta-familie hom die pos van die minister aangebied het voor Nhlanhla Nene afgedank is, as ʼn “tirade” beskryf en ʼn onderhoud met die ANC-jeugliga se woordvoerder, Mlondolozi Mkhize, uitgesaai waarin hy die adjunkminister se integriteit bevraagteken.

Gwede Mantashe, sekretarisgeneraal van die ANC, het in ander media bewerings van ʼn “faksie-oorlog” verwerp en gesê dit is ʼn voorbeeld van die arrogansie van die Gupta-familie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Theo

#Zuptasmustfall Mr. Gupta, you and your family overstayed your wellcome. Your are not wellcome here anymore. Please pack up and go, immediately!!!

Kaspaas

Sal nie verbaas wees as Guptas die verdediging en Intelligensie ook beheer nie, asook die polisie

johan

Its time for you to go, cupta

Dee

Ek stem nie noodwendig met julle saam nie. Ek begin dink die Guptas is besig om ‘n goeie doel te dien. Die ANC is besig om te verkrummel, Zuma het vir hom ‘n suitcase met wieletjies aangeskaf en met die hulp van Fifa & Gupta is interessante dinge besig om te gebeur. Dit is wel so dat die ekonomie besig is om saam met hulle te verkrummel maar almal moet sover moontlik voorsorg tref. Sorg dat jou huis of woonstel ‘n paaiement of drie voruitbetaal is, hou jou kar se tenk vol petrol, dan sit jy sit agteroor en geniet… Lees meer »

Riekie Nel

Ek dink die Guptas is hier om te bly. Netnou gelees 2 van die 3 broers het Suid Afrikaanse burgerskap.