Guptas het glo SA verlaat

Atul Gupta (Argieffoto)

Atul Gupta (Argieffoto)

Volgens mediaberigte het twee van die Gupta-broers Suid-Afrika verlaat.

Die City Press het Sondagoggend berig Ajay en Atul Gupta, een van hul vroue en vyf assistente het Donderdagaand laat van Lanseria-lughawe met hul privaat straler na Dubai vertrek. Volgens die koerant het hulle ʼn “berg bagasie” by hulle gehad.

Maroela Media het vroeër berig Atul Gupta, Vuran Gupta en pres. Jacob Zuma se seun, Duduzane Zuma het met onmiddellike effek by Oakbay Resources bedank.

Die maatskappy het in ʼn verklaring gesê die besluit spruit uit die “politieke aanval op die maatskappy” en die bekommernis dat die werk en lewensbestaan van sy 1 000 werknemers in onmiddellike gedrang kan wees weens Atul, Varun en Zuma se verbintenis met die maatskappy.

Die nuus van die Gupta-broers en Zuma se bedanking kom enkele dae nadat FNB aangekondig het dat hulle Oakbay Resources se rekeninge gesluit het. Absa het ook vroeër vandeesweek sy verbintenis met die maatskappy beëindig te midde van bewerings dat die Gupta-familie ʼn invloed op pres. Zuma en die regering se sake het.

Die gesin is veral onder druk geplaas ná bewerings dat hulle ʼn invloed gehad het op Zuma se aanstelling van Mosebenzi Zwane, minister van mynbou, en die voormalige minister van finansies, Des van Rooyen. Mcebisi Jonas en voormalige ANC-LP Vytjie Mentor het onthul die Guptas het ook vir hulle ministersposte aangebied.

Lees alle vorige berigte oor die Guptas op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

64 Kommentare

jongste oudste gewildste
Sarel Strydom

Hardloop!!!!!!!!!! Thuli Madonsela is aan die kom!!

Deon

Dit is net ‘n Eye Blind om almal stil te maak.

Garfield

Niks gaan regtig verander nie. Hulle het geensins van hulle sakebelange in SA afstand gedoen nie. Hulle gaan Zuma nou net oor ‘n afstand finansier en oor ‘n afstand aangaan met hulle skelmstreke en korrupsie via proksie (met Zuma se seënwense natuurlik). “The world” is nou LETTERLIK ‘n “global village”.

Garfield

Niks gaan verander nie. Hulle het geensins van hulle sakebelange in SA afstand gedoen nie. Hulle gaan nou net oor ‘n afstand via proksie met hulle skelmstreke en korrupsie voortgaan (met Zuma se seënwense natuurlik). En natuurlik ook vir Zuma finansier. “The world is a global village”.

Rynhardt

Vandag berig Rapport dat Zuma se vriende, die Guptas het SA verlaat met sakke vol goed! Rapport en res van media kan nie se wat daai sakke vol goed was nie.Die einste Rapport kan berig oor die Guptas se huise van miljoene oir die hele wereld, maar weet nie wat in daai sakke was nie? Niemand ondersoek ook die Guptas se vliegtuig voordat dit SA verlaat nie.Was daar goud en diamante in daai sakke? Een ding is duidelik, daar was nie sakkies kerrie poeier daarin nie, want Indie se kerrie is 200% sterker as SA s’ n!