Die stad Kaapstad het Donderdag gesê die vuurwerke tydens Guy Fawkes-vieringe moet verbied word.
“Die stad het verskeie klagtes ontvang wat met die gebruik van vuurwerke verband hou,” het Alderman JP Smith, burgemeesterskomiteelid, gesê.
Altesaam 16 mense, insluitend vyf kinders, is Woensdag tydens Guy Fawkes-vieringe in die stad beseer, het paramedici gesê. “Meeste van die beserings hou verband met vuurwerkvertonings,” het Smith bygevoeg. “In Swartklip het ʼn klapper in ʼn sesjarige seuntjie se gesig afgegaan.”
Hy het gesê wetstoepassers het beslag gelê op vuurwerke ter waarde van ongeveer R60 000 asook 48 bottels alkohol. Meer as 160 boetes is uitgereik vir verkeers- en ander munisipale oortredings.
“Dit gaan mens se verstand te bowe dat die meerderheid van inwoners wat nie aan Guy Fawkes deelneem nie, jaarliks aan die malligheid blootgestel word,” het Smith bygevoeg. As ʼn plaaslike regering kan hulle egter nie ʼn verbod daarop plaas nie. “Ons kan slegs die gebruik van vuurwerke beperk. Die verbod kan slegs op nasionale regeringsvlak ingestel word en ons dink dit is hoogtyd dat dit gebeur.”
Nou wat de hel het ‘n Engelsman wat homself opgeblaas het met Suid-Afrika te doen? Mense is so blerrie aperig.
Chinese het weer baie geld gemaak. Sluit hulle winkels toe dan gaan daar mos nie ‘n probleem wees.