Oudpres. Jacob Zuma. (Foto: Sandile Ndlovu/Pool)
Die konstitusionele hof het oudpres. Jacob Zuma se aansoek om verlof tot appèl teen die hooggeregshofuitspraak in die lastersaak van oudminister Derek Hanekom van die hand gewys.
Zuma se aansoek om verlof tot appèl is vroeër die week met koste van die hand gewys nadat die hof bevind het dit het geen vooruitsig op sukses nie.
Die hoogste hof van appèl het Zuma se aansoek om verlof tot appèl in Mei ook van die hand gewys waarna hy die konstitusionele hof genader het.
Hanekom, ʼn ANC-veteraan wat verskeie kabinetsposte beklee het, het Zuma gedagvaar toe dié in Julie verlede jaar op Twitter aangevoer het Hanekom “is ʼn bewese agent vir die vyand”.
Hanekom het Vrydag die konstitusionele hof se beslissing verwelkom. “Valse aantygings is onverantwoordelik en gevaarlik,” het Hanekom gesê.
’n Skermskoot van oudpres. Jacob Zuma se twiet.
Die Durbanse hooggeregshof het in September verlede jaar bevind Zuma se plasing was “onwaar, lasterlik en onwettig”.
Zuma is beveel om die plasing binne 24 uur te verwyder en om Hanekom om verskoning te vra. Hy is ook verbied om ooit weer aan te voer dat Hanekom ʼn spioen was vir die wit minderheidsregering.
Hanekom was een van die mees senior lede van die regerende party wat aangevoer het dat die ANC Zuma uit die presidensie moet verwyder toe hy al hoe meer geïmpliseer is in die staatskapingskandaal.
Zuma en sy prokureurs het aangevoer die Twitter-plasing is buite konteks gelees en dit is algemeen bekend dat Hanekom met opposisiepartye saamgespan het om hom uit sy amp te verwyder.
Ag Shame. Ek kry Mnr Zuma so jammer. Hy is mos altyd onskuldig. Gaan hy nou betaal, of moet die belastingbetaler nou weer boet vir sy onnoselheid.
So verstaan ek reg, Zuma baklei nog die uitspraak dat hy moet om verskoning vra vir Hanekom en nie weer dit mag sê nie? Die uitspraak is reeds so lig en zuma wil dit baklei?
Nie dat ek van hanekom enigsins meer dink as van zuma ;-(
Hond byt hond
???? eet ????
Geen wonder so koud nie. Iemand het teen Zuma gewen. Wie gasn Zuma se regskoste dek
Sy Shaik buddies gaan seker sy rekening betaal – Shabir Chippy of Mo . . . ..
Want siestog, hy het mos nie geld vir sokkies nie.
En noudat gewone vlugte verbied is kan hy nie sy geld ib Dubai gaan haal nie. Siestog
Oompie Zoompie het dan self die ‘known enemy agent’ in sy Kabinet aangestel. Hoe dom kan ‘n mens dan wees ???
Derek Hanekom is nie deur Zuma aangestel nie.Hy was aangewys van 1994 tot 1999 as minister van Landbou en Landelike sake in die kabinet van Nelson Mandela.
Dit is hoogtyd dat die reg stelsel in SA nou moet begin koers kry en dat skuldiges tronk toe moet gaan
Kan iemand vir hom ‘n masker gee wat oor sy neus pas? Of is dit wettig vir hom om dit so te dra, maar nie vir ons nie?