Harry gee vir Cyril ʼn portret van beeste

President Cyril Ramaphosa, sy vrou dr. Tshepo Motsepe en die hertog en hertogin van Sussex kuier in Pretoria. (Foto: Verskaf)

Die koninklike egpaar, Harry en Meghan, is Dinsdag deur pres. Cyril Ramaphosa en sy vrou, dr. Tshepo Motsepe, in die presidensiële woning in Pretoria ontvang.

Dit was die laaste van ʼn twee week lange besoek wat die hertog en hertogin van Sussex in Suid-Afrika afgelê het. “Dit is wonderlik om julle hier te hê, baie welkom!” het Ramaphosa tydens die welwillendheidsbesoek gesê.

Gedurende die besoek het die egpare ook geskenke uitgeruil. Die Sussex-egpaar het aan die president ʼn geraamde portret van ankole-beeste gegee, die einste beesras wat Ramaphosa op sy plaas in Mpumalanga aanhou. Ramaphosa het op sy beurt vir die koninklikes ʼn fotoboek oor sy eie kudde, Cattle of the Ages, gegee.

President Cyril Ramaphosa en sy vrou dr. Tshepo Motsepe verwelkom die hertog en hertogin van Sussex in Pretoria. (Foto: Verskaf)

Harry het vroeër die dag, tydens sy besoek aan die Britse Handelskommissaris in Johannesburg, gesê hy het hoop vir Afrika en dat die verhouding tussen Brittanje en Afrika belangrik is. Ramaphosa het self verlede jaar ‘n besoek aan prins Harry se ouma, koningin Elizabeth II afgelê toe hy in Londen was vir die konferensie van Statebondsleiers.

Harry het Suid-Afrika reeds verskeie kere in die verlede besoek – sy vorige meisie Chelsy Davy se pa was ‘n Suid-Afrikaner – en het gesê hy sien reeds uit na sy volgende besoek.

 

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

35 Kommentare

jongste oudste gewildste
Judge Dredd

So waar steek julle die Kruger munte weg ?

Magda

Nie snaaks nie – maar geen Brit sal ek ooit voor opstaan nie – Julle skuld met wat hier in SA aangaan – Onthou die konsentrasie kampe en verwydering van almal van ALLE plase af (wit en swart)

Diertjie

Kom kuier sonder jou wagte ons sal sien of die kuier nog so lekker is as n skelm jou beetkry

Ai ja jai

Vader tog, spaar ons nog ‘n besoek. Hoop nie dis gou nie, gaaaa…..aaaaappp

Ai Tog

GAAAAAAPPPP!!!!! TEN MINSTE KAN HY HULLE NIE OOK SLAG VIR SY PRIVAAT PARTYTJIE NIE.