‘Hart vol dankbaarheid’, sê Amor ná springmat-ongeluk

Amor Vittone (Foto: Facebook)

Amor Vittone (Foto: Facebook)

Die gewilde sangeres en televisie-aanbieder Amor Vittone het Donderdag gesê hoewel die tweede operasie om die geskeurde ligamente in haar linkerbeen én ʼn gebreekte enkel te herstel suksesvol was, is daar nog ʼn lang herstelpad wat vir haar voorlê.

Vittone is Maandag na die hospitaal gehaas ná ʼn ongeluk op ʼn springmat tydens haar seun, Jordan (13), se verjaardagpartytjie.

Die voorval het gebeur by Bounce, ʼn sentrum vol springmatte in Johannesburg waar waaghalse spronge en toertjies kan uitvoer.

“Ek sit vanaand hier in ʼn hospitaalbed met ʼn hart vol waardering en dankbaarheid. Die tweede operasie was ʼn sukses,” skryf sy op Facebook. “Die dokters was skepties omdat die belangrikste ligamente, weefsel en senuwee afgesny is deur die impak [van die val].”

Die sangeres het gesê sy is oorweldig deur boodskappe van aanhangers wat haar beterskap toewens en hoop sy kan spoedig weer optree. “Ek wil uit my hart uit dankie sê aan elkeen se boodskappe, gebede en liefde. My ma moes oorneem en help met die kinders. Ma, vreeslik dankie dat ma nooit opgee nie en dadda, dankie vir al julle liefde [sic].”

Amor het Donderdag met rehabilitasie begin en is tans op krukke. “Dis ʼn lang pad wat voorlê, maar ek wil hard werk sodat ek vinnig weer kan show, al is dit op krukke.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
Alida

Wat van jou man wat op sterwe lê?

Estelle Horn

Sover ek weet ondersteun Amor nog al die tyd vir Joost.

Faith

Sjoe julle Joost kry suurstof bid eerder dat hy en spore beter word v Kids onthalwe nou gaan julle almal tekere sies man

Estelle Horn

Ek is nie een van die wat te kere gaan nie, ek noem juis dat Amor Joost bystaan. Joost is altyd in my gebede sowel sy familie en vriende wat hom ondersteun.

J

Pieter ek stem 100% saam.