Hawelose kom op babalykie af

Argieffoto

Argieffoto

Die Navalsig-polisie in Bloemfontein is op soek na die ma van ʼn baba wie se lykie Donderdag deur ʼn hawelose man gevind is.

Konst. Mosili Ntsika, woordvoerder van die polisie, het gesê die hawelose man het omstreeks 10:45 vir kos gesoek in Signalstraat in Hilton toe hy ʼn kitskospapiersak in ’n geel plastieksak onder ʼn boom gesien het.

“Hy het die sak oopgemaak en op die babalykie afgekom.” Volgens Ntsika het die man polisiebeamptes wat in die gebied gepatrolleer het in kennis gestel.

Polisiebeamptes is na die toneel waar hulle die lyk van die seuntjie gevind het. ʼn Saak van verberging van geboorte word deur die polisie ondersoek.

Enigiemand met inligting oor die voorval word versoek om konst. Teboho Makhethe te kontak by 072 447 7595 of konst. Teboho Letshabo by 078 067 1676.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

11 Kommentare

jongste oudste gewildste
Cindy

ALWEER??????

Rina

Gebeur so baie… 90% van die kere is dit n pasgebore baba wat weggegooi word en dan sterf.. ons as mens kan by die diere gaan leer..

petro

So onnodig, soveel mense wat nooit kinders van hulle eie sal kan he nie en ander gooi hulle net weg. “n Kind is ‘n groot vooreg en Ons Hemelse Vader leen net vir jou die kind om groot te maak in sy wee. Wie gooi dit sommer net weg????? Watter tipe mens is jy???

ja

Maar dan wil mense kla oor aborsies?? Ek dink glad nie dis reg nie maar soveel minder pyn vir die kindjie….. Daai kindjie het tien teen een in daai sak versmoor…. Wie doen so iets??? Dis siek man

Zuzu

Ek is eintlik spraaksloos… Dit skok my so dat mense dit kan doen!! Dis barbaars… nie eers diere maak so met hulle klein nie!