‘n Hawelose man het dié pasgebore dogtertjie in ‘n asblik gevind. (Foto: Verskaf)
ʼn Hawelose man in Durban het Sondagoggend op ʼn pasgebore baba in ʼn vullisdrom afgekom. Die man het glo in die asblik rondgegrawe vir bruikbare items toe hy dié vonds gemaak het.
“Paramedici van die Emer-G-Med-ambulansdiens is vroeg Sondagoggend ontbied om die metropolisie in Durban in die omgewing van Boscombe Place by te staan, nadat die hawelose man die owerhede ontbied het,” het die ambulansdiens Sondag in ʼn verklaring gesê.
“Paramedici het die pasgebore babadogtertjie in die asblik gekry, waar sy steeds aan haar naelstring en plasenta verbind was.”
Die baba is op die toneel behandel, waarna sy na ʼn nabygeleë hospitaal geneem is.
“Sy is steeds in ʼn stabiele toestand en dit lyk ook of haar gemoed goed is. Die hawelose man se optrede het beslis haar lewe gered,” het paramedici gesê.
Die polisie ondersoek die omstandighede rakende die voorval.
Onmenslik, nie eers n dier gooi sy kinders weg nie
Nie eers ‘n dier vermeerder as dit droog is of swaar gaan!!
Ek kan nie glo dat ‘n mens so ‘n volkome afhanklike mensie in ‘n vullisdrom kan weggooi nie! Dit is wreed en onmenslik! Hoop hierdie ma word opgespoor.
Nie ma nie. Persoon wat lewe geskenk het aan die baba. Sys nie die woord ma werd nie.
Ek hoop hulle het vir die boemelaar iets gegee.. al was dit net ‘n hamburger.
Sal die skuldige persoon ooit op gespoor word. Nie eers ‘n dier wat verstand het nie sal hulle kinders weg gooi nie, nou kom ‘n mens wat verstand het en gooi ‘n baba weg. Die persoon het gekry wat sy wou gehad het nou moet die onskuldige baba die prys betaal vir die man en vrou se optrede, Dit is moord.
Dankie tog vir daai hawelose mag hy geseën word en blyplek kry
Wys jou net dat hawelose mense ook harte het. Mag daardie hawelose persoon met n welverdiende toekoms geseen word, want die koninkryk behoort an mense soos hy. Ek is trots op hom, want sy omstandighede het n lewe gered.
Dankie aan die hawelose man wat die baba gevind het en stappe gedoen het sodat sy versorg kan word. Wat die vrou wat geboorte geskenk het (sy is nie ‘n ma se agterent nie) moet sy gevang word, in die tronk gestop word en die sleutel weggegooi word.