’n 43-jarige man is Maandag ernstig beseer toe hy oor ’n palissade by ’n huis in Durban-Noord in KwaZulu-Natal probeer klim het en in die proses deurboor is.
Shawn Herbst, Netcare 911-woordvoerder, sê nooddienswerkers is kort ná 02:00 na die huis ontbied waar hulle die man op die heining aangetref het.
Volgens Herbst woon die man in dieselfde straat, maar behoort dié huis aan ’n ander gesin wat hom nie ken nie.
“Met die nooddienste se aankoms op die toneel het die man onderstebo gehang met die skerp punte van die palissade diep in sy onderlyf gepen.
“Hy het oënskynlik probeer om oor die palissade te klim toe hy geval het en deurboor is.”
Herbst sê ’n gedeelte van die palissade moes met behulp van die eThekwini-nooddienste en ’n Netcare 911-tegnikus afgesny word om die man te bevry.
“Die man het ernstige beserings opgedoen en is op die toneel behandel voordat hy na ’n hospitaal geneem is.”
Dit is onduidelik waarom die man oor die palissade probeer klim het.
Volgens kapt. Nqobile Gwala, polisiewoordvoerder, is die voorval nie by die polisie aangemeld nie.
Hulle wonder hoekom hy oor die palissade wou klim….. dink ons almal weet en was nie om tee te drink nie
Wie kan nog wonder, voor die handliggend
Dit is die laksman se skuld!
Hy wou dan net werk soek by daardie huis se eienaar , niks anders nie…
of water
Nie besef dit nag nie
02h00 uur die oggend ….
Ek moet sê daardie palissade werk. Ek en my vriend het krieket in die agterplaas gespeel en hy slaan die bal oor die heining. Ek klim op die heining om beter te sien waar die bal dalk kan lê. Ek besluit toe om af te spring en met die afspring toe haak die palissade se punt onder my broek in en ek hang vir genade daar. My vriend het in daardie oomblik weggekyk en toe hy weer kyk is ek net weg min wetende ek hang aan die heining vir die hele wêreld om te sien. Dit is nou 20 jaar later en lag nog steeds oor daardie dag. So ja kan definitief palissade aanbeveel as ‘n flytrap.
Hy het nie die hekkie gesien nie.
My goeie genade, die rede hoekom hy oor wou klim is om te moor en te roof. In curfew tyd. Hy wou verseker nie n night cap gaan drink nie.
Hy is seker die dominee en wou huisbesoek doen?
Wat ek wonder is hoe het die huismense geweet hy is daar? Honde geblaf? Alarm afgegaan? Mede tee drinkers die nooddienste gebel?
Een van die dae word ons dalk ook verbied om sulke skerp pallisades te hê….?!
02H00 in die oggend, hy wou sekerlik net seker maak die mense in die huis is veilig en so aan…Hoekom dan anders sal jy daardie tyd oor iemand anders se palisade wil klim?
Hy het seker soos daardie Natalse oud rugbyspeler wat in Hawaii deur die polisie doodgeskiet is, ook net per ongeluk oor die verkeerde heining geklim, want dit was laat en hy kon nie sien nie. Ai tog!!!! Die verdomde rassiste wat sulke gevaarlike heinings opsit sal aan die pen moet ry.