Heli-ongeluk: Slagoffer was pa van vier

Richard Morgan by sy vrou Amelia nadat hy in November sy eerste solovlug voltooi het. (Foto: Starlite Aviation Training Academy/Facebook)

Die leerlingvlieënier wat Maandag in ’n helikopterongeluk in Durban dood is, was die pa van vier kinders.

Richard Morgan en sy vlieginstrukteur, Derek Fitzgerald, is dood nadat hul Robinson R22-helikopter in die Umgenirivier naby die Inandaweg-afrit op die N2 in KwaZulu-Natal beland het.

Die twee mans was albei aan die Starlite Aviation Training Academy verbonde. Die opleidingskool het gesê hy is geruk deur die voorval en het privaatheid versoek terwyl die ondersoek na die voorval voortgaan.

“Ons innige meegevoel, gedagtes en gebede gaan uit aan hul families en vriende in dié moeilike tyd.”

Familielede het Morgan intussen beskryf as iemand wat vol lewe was en ander bemoedig het. Hy laat sy vrou en vier kinders agter.

Medelye stroom steeds ook in vir Fitzgerald op Facebook.

Dit is nog nie duidelik wat tot die ongeluk gelei het nie. Die Burgerlugvaartowerheid (BLO) het bevestig dat ’n ondersoek na die ongeluk van stapel gestuur is.

“Daar is nie in dié stadium verdere besonderhede oor die ongeluk beskikbaar nie. Nietemin sal ’n voorlopige verslag binne 30 dae uitgereik word,” het Kabelo Ledwaba, woordvoerder van die BLO, gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

5 Kommentare

Madz ·

…en ek sê weer…. hier is SKIELIK te veel vlieg-ongelukke wat gebeur….

ES ·

Die hoeveelheid helikopter en ligtevliegtuig-ongelukke is kommerwekkend.

Cherokee ·

Bereken die vlieg-insidente persentasie gewyse met die van voertuie op die pad, dan sal julle lag vir die stelling van ‘te veel’ of ‘baie’ vliegongelukke. Dit is steeds die veiligste manier van vervoer.

Jinksie ·

Daar’s ook minder vliegtuie. So werk dit net self mooi uit. Dis nogsteeds te veel.

Boeing ·

As elke motorongeluk soveel publisiteit moes kry soos elke vliegongeluk…… Wonder hoe dik daardie koerant sou wees?

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.