Tientalle brandbestryders spook sedert Maandag vroegoggend om ’n veldbrand in die omgewing van Simonstad in die Wes-Kaap in bedwang te bring.
Jermaine Carelse, woordvoerder van die Kaapstad-brandweerdiens, sê brandbestryders is omstreeks 05:55 na die berghange bokant die Suid-Afrikaanse vloot se opleidingsbasis naby Simonstad ontbied.
“Daar is tans tien brandbestrydingstoestelle en ongeveer 50 brandweermanne op die toneel,” sê Carelse. “Die Tafelberg Nasionale Park en bemanningslede van die SA vloot staan hulle by.”
Die Ysterplaat-lugmagbasis het twee brandbestrydingshelikopters gestuur om die brand te help blus.
“Die brandgebied is in drie afdelings verdeel om die brand makliker te kan blus.”
“Brandbestrydingstoestelle”?? Bedoel julle brandweerwaens of brandblussers of nat sakke of wat?
Dis wat die woord se. Maw alles wat jy genoem het val onder die begrip brandbestrydingstoestelle. einige verder vrae?
Wat is dit met party mense en hul obsessie met vuur?
Gelukkig bly die wind weg vandag.
Bergie wat vuurmaak vir warmte?