Helpende Hand-hoof in tragiese ongeluk

Danie Brink en sy vrou Lise.

Danie Brink en sy vrou Lise.

Dr. Danie Brink, uitvoerende direkteur van Solidariteit Helpende Hand, en sy gesin was Vrydagoggend in ’n ernstige motorongeluk betrokke.

Dr. Dirk Hermann, voorsitter van die direksie van Solidariteit Helpende Hand en bestuurshoof van Solidariteit, het namens die Solidariteit Beweging en Solidariteit Helpende Hand meelewing betoon met Brink en sy gesin.

Brink en twee van sy kinders het slegs ligte beserings opgedoen terwyl sy vrou en een seun in die hospitaal op Welkom opgeneem is vir behandeling. Die familie het bevestig dat twee van die egpaar se kinders dood is. Die Brink-gesin was op pad om by hul familie aan te sluit vir hul Kersvakansie en het beplan om op Theunissen oor te slaap.

Foto: Netcare 911

Foto: Netcare 911

Chris Botha, woordvoerder van Netcare 911, het gesê die ongeluk het omstreeks 9:00 buite Theunissen plaasgevind. Die motor het glo die pad verlaat en verskeie kere gerol voordat dit in die veld langs die pad tot stilstand gekom het. Volgens Botha is twee mense op die toneel dood verklaar, twee mense ernstig beseer en drie mense lig beseer in die ongeluk. Dit is nog nie duidelik wat die ongeluk veroorsaak het nie.

“Ons is almal geskok en bid dat die Here die gesin en familie in sy troos sal omvou,” het Hermann gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

54 Kommentare

jongste oudste gewildste
Pieter Krige

Dit is ‘n groot skok en tragedie vir ons. Baie sterkte en genade vir julle Danie. Ons almal op Orania bid vir julle.

Andre Erasmus

Sjoe. dis tragies.

jean

So bitter hartseer….en hierdie tyd van die jaar. Bid en dink aan hulle…….

sproetjies

Jammer oor julle groot verlies. Mag die Hoer Hand julle vertroos in julle hartseer en pyn.

Vivian

Innige meegevoel met julle. Mag die Here jul vertroos, herstel en deur hierdie moeilike tyd dra. Sterkte vir julle.