Die verhoor van Nico Henning, wat daarvan beskuldig word dat hy die baasbrein agter sy vervreemde vrou, Chanelle Henning, se moord is, is Maandagoggend in die Noord-Gautengse hooggeregshof tot 6 Junie 2016 uitgestel.
Henning se verhoor was veronderstel om vandag te begin. Die sakeman is tans uit op borgtog van R10 miljoen.
Die staatsaanklaer adv. Gerrie Nel het vir die uitstel gevra en gesê die staat en die verdediging stem daaroor saam.
Hoewel dit nie in die hof gesê is nie, het GROOTfm90.5 by ʼn betroubare bron gehoor die staat moet nog ʼn paar kwessies in hul ondersoek finaliseer.
Chanelle is tydens ʼn beweerde sluipmoord in 2011 voor haar seun se kleuterskool in Faerie Glen, in die ooste van Pretoria, doodgeskiet.
Haar pa, Ivan Saincic, het buite die hof gesê die uitstel van die saak is nie lekker nie. Chanelle se ma, Sharon, het ook gesê die seun, wat vier was toe sy ma vermoor is, kry nou swaar:
Bron: GROOTfm90.5
Miskien moet Kerrie minder tyd spandeer aan die Oscar saak? Nie genoeg publisiteit nie?
Nou hoe werk die ding dat die man gearresteer word voordat die Staat weet of hy ‘n saak het?
Ek sal dit ook graag wil weet, Gerhard. Is hulle nie seker dat hy skuldig is nie. Nie genoeg konkrete bewyse nie. Halwe polisie ondersoek?
Absoluut belaglik dat die saak nogsteeds sloer
Dit wa duidelik soos daglig van die begin af dat hierdie gedoente verantwoordelik is vir die moord op sy vrou, dat hy die baasbrein agter alles was, ek verstaan net nie hoekom SAPS so lank gevat het om hom te arresteer nie. Hy kon lankal reeds gevonnis gewees het en agter tralies gesit het vir die res van sy misrabele lewe!