Heroldsbaai: duikers soek steeds na ma, sesjarige dogter

(Foto: SA Polisie)

Polisieduikers gaan later vanoggend hul soektog na die steeds vermiste Heidi Scheepers (35) en haar dogtertjie, Cuzette (6), voortsit.

Maroela Media het vroeër berig die liggaam van ʼn seuntjie, vermoedelik dié van die vermiste Hugo Scheepers (2), is Donderdagmiddag laat in die see gevind.

ʼn Uitgebreide soektog is Woensdag van stapel gestuur nadat Scheepers (35) en haar kinders Dinsdag omstreeks 18:00 die laaste keer lewend in Heroldsbaai gesien is. Hulle het verby die gesin se winkel, die Heroldsbaai Kafee, gery. Haar man, Ettienne, het sy gesin kort daarna as vermis aangemeld.

Heidi Scheepers (35).

ʼn Grys Volkswagen Caravelle, soortgelyk aan die een waarin Scheepers en haar twee kinders Dinsdag verdwyn het, is vroeër Donderdag langs die rotse by Voëlklip by Heroldsbaai gekry.

Die polisie kon egter eers later met sekerheid vasstel dat dit wel die Scheepers se motor is, omdat hoogwater dit moeilik gemaak het om by die voertuig uit te kom.

Kapt. Malcolm Pojie, polisiewoordvoerder, het gesê duikers gaan omstreeks 09:00 vanoggend hul herwinningspoging voortsit.

Cuzette Scheepers (6).

Hulle gaan hul soektog op die kuslyn tussen Wildernis na Voëlklip by Heroldsbaai en na die rigting van Mosselbaai fokus, het Pojie gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
Cindy

Dit is so verskriklik hartseer. RIV pragtige seuntjie. Sterkte aan die pappa en hele familie wat hier deur geraak word.

Ciska

In die tyd van smart dink ons aan haar familie en vriende mag Jesus julle in sy Hand toevou en troos

Anoniem

Ek het nie woorde om hierdie man en die familie te bemoedig nie. Dis onbeskryflike leed. Net Jesus kan hul Vertroos in hierdie donker uur. Ek bid vir hulle vir krag en sterkte.
Dis so bitter jammer dat dit gebeur het.

Melanie

Ek weet nie wat die oorsaak was dat die voertuig in die see beland het nie, maar hy hart breek en ek huil vir die arme twee kinders.. My seun is nou 2 en ek weet wanneer is hy bang en angstig.. hul neem als op.. soveel vrae waarop ek eerder nie antwoorde wil he nie. ek bid Jesus was elke oomblik saam hul al 3 en dat hul nie seer gehad het of bang was nie. ek huil so vir die familie wat dit moet verwerk…. Mag Jesus hul styf vashou in die hartseer tyd.

danie

Hartverskeurend.
dis net baie baie hartseer….
so jammer aan die familie en Ettienne.
Dis n absolute hartseer saak…