Herrie bars los ná Steve “Die Stem” sing by Innibosfees

‘n Video van waar Hofmeyr Die Stem sing volg onderaan die berig.

Innibos-fees in Nelspruit op 5 Julie 2014 Foto: Steve Hofmeyr, Facebook

Innibos-fees in Nelspruit op 5 Julie 2014 Foto: Steve Hofmeyr, Facebook

Steve Hofmeyr, sanger en aktivis, het ‘n groot debat op sosiale media ontlok nadat hy Saterdagaand Suid-Afrika se ou volkslied, Die Stem, by die Innibosfees in Nelspruit gesing het.

Hofmeyr het foto’s van die skare en ʼn foto van hom saam met Juanita du Plessis en Bok van Blerk opgelaai en geskryf: “Maklik die Grootste Afrikaanse buitelug konsert op aarde! Vir die 1e keer moes Innibos die hekke sluit. En toe vat ek daai polities-inkorrekte kans en sing DIE STEM… en 45000+ mense staan op en sing dit soos een man – uit volle bors. Ekself het swaar gesluk. Dat niemand daardie lied vergeet het of ooit sal nie. Ek bars van trots. Dankie.”

Rinus van den Berg, ʼn gebruiker op Facebook, was een van die persone wat kommentaar gelewer het. Hy skryf: “Nkosi Sikelel’ iAfrika is mooi maar dit is meer in die kategorie van ʼn gesang as ʼn volkslied. Die Stem is ʼn volkslied in die ware sin van die woord en kom tot sy reg gespeel deur ʼn militêre orkes. Ons Stem vergelyk baie goed met ander volksliedere van oor die aarde.”

Nog ʼn Facebook-gebruiker wat kommentaar gelewer het, is Anrich Albert Marais. Hy skryf: “Hoe pas Die Stem sing in by integrasie in SA? Moet ons nie juis afstand doen van dit wat rusie tussen ons bring nie? Ek vat bv. die NG kerk. Daar kan nie herlewing in die NG kerk wees nie ek glo grootliks omrede dat dit vereenselwig word met die NP en apartheid. Steeds assosieer mense hulle met die goed wat afbreuk aan integrasie en had veroorsaak wat in geweld omsit.”

Steve het egter op Marais reageer en gesê: “Integrasie het ons die mees geweldadigste land gemaak laaaaank voor ek Die Stem gesing het. Ek vereenselwig die nuwe vlag & volkslied dáármee.”

Klik hier en hier om die res van die debat te volg.

Lees ook:
Nuuskommentaar: De Kock, Derby-Lewis en Die Stem
Nuuskommentaar: Die Stem en dooie varke – die gevaar van veralgemening
EFF wil glo van “Die Stem” ontslae raak in volkslied
FAK: “Die Stem moet regmatige plek hê by kultuurfeeste”
Steve sê oor ‘Die Stem’
Nuuskommentaar: Om Die Stem te sing

Bok van Blerk, Juanita du Plessis en Steve Hofmeyr by Innibos-fees 2014 Foto: Steve Hofmeyr, Facebook

Bok van Blerk, Juanita du Plessis en Steve Hofmeyr by Innibos-fees 2014 Foto: Steve Hofmeyr, Facebook

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

238 Kommentare

jongste oudste gewildste
Louise Visser

Ai!… die alewige kritici darem!…

yvonne

Dankie Steve……ons het meer mense soos jy nodig

Christine

Amen Steve,Jy staan tenminste agter ons Suid Afrikaners,en staan op vir ons taal. Goeie werk,julle en dankie dit is en sal altyd ons Volkslied bly.

Roelien Lottering

Ek glo uit my hart dat Steve trots is op die Afrikaner mense en op sy taal en herkoms, hy het niks rasisties daarby bedoel toe hy die STEM gesing het nie! Is dit nou n sonde om so trots te wees op jou taal en mense? Hy het niks geweldadig gedoen of moord gepleeg of karre gekaap OF enige iets sleg teen ander Suid-Afrikaners gese of gedoen nie. Komaan mense om elke hoek en draai wil mense rasisme uitkrap nes met Victor Matfield se scrumcap! Rergtig?!? Ek is 100% seker Victor het ook nie gedink toe hy die scrumcap… Lees meer »

Trippie

Ons vir jou (ou) Suid-Afrika !

Ek salueer jou Steve !