Herrie oor Nazi-plakkate by US

Foto: Facebook

ʼn Storm het op sosiale media losgebars oor plakkate wat ontwerp is om soos historiese Nazi-propogandaplakkate te lyk, wat op die kampus van die Universiteit Stellenbosch (US) opgeplak is.

Op die plakkaat kondig ʼn groep wat hulself The New Right en The Anglo-Afrikaner Student noem aan dat daar op 11 Mei om 17:00 ʼn byeenkoms in die JS Gericke-biblioteek gehou sal word. Die tema van die geleentheid is “Veg vir Stellenbosch”. Die plakkaat gee nie meer inligting oor die doel of die agenda van die vergadering nie.

Foto’s van die plakkate is wyd op sosiale media gedeel en talle mense het dit veroordeel. Sommige mense meen die plakkate is met opset op die kampus geplaas om rassespanning onder studente aan te hits.

Die US het intussen in ʼn verklaring gesê die universiteit veroordeel rassisme, rasse-meerderwaardigheid en enige pogings om die kampusgemeenskap te verdeel. “Geen geleentheid wat rasse-meerderwaardigheid bevorder, sal toegelaat word om op die kampus gehou te word nie,” het Martin Viljoen, woordvoerder van die universiteit, in die verklaring gesê.

Foto: Facebook

Volgens Viljoen is die plakkate op die kampus aangebring sonder enige voorafkennis of toestemming van die universiteit. “ʼn Ondersoek is tans aan die gang en die plakkate is ook by die universiteit se eenheid vir gelykwaardigheid aangemeld,” het hy gesê.

Viljoen het gesê daar is navraag gedoen oor die beskikbaarheid van die lokaal waar die vergadering blykbaar gehou sal word, maar daar is geen amptelike bespreking gemaak of meer inligting oor die geleentheid gegee nie. “Die oorsprong van die plakkate is nog nie bekend nie, maar die universiteit volg tans die inligting wat vanaf die organiseerders ontvang is op.”

Prof. Wim de Villiers, rektor en visekanselier van US, het gesê die boodskap op die plakkate is totaal onaanvaarbaar en in direkte teenstelling met die US se waardes. “Dit lyk asof daar met opset hier kwaad gestook word en indien dit die geval is, sal dissiplinêre stappe gedoen word.”

Die US het enigiemand met meer inligting oor die saak versoek om dit by die kliëntedienssentrum by 021 808 9111 of [email protected] aan te meld.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

51 Kommentare

m ·

Ag rerig. Nou gaan alles seker weer aan die brand gesteek word.

Basson ·

En die US se ondersteuning dan van die (baie erger) veldtog van die ‘Open Stellenbosch’ groepering laasjaar? Waar is die ewewig / objektiwiteit mbt US se optrede?
Hmm, interessante dinamika – kom ons kyk of hulle die kind wat hulle self gebaar het kan grootmaak ;)

humor ·

Nogal verblydend want dit kom voor of daar ook mense is wat nou begin dink. Ek bedoel daar is seker niks verkeerd om vir jou taal, kultuur,godsdiens en jou volkswese in te staan nie, maar die werkswyse en metodes moet net in orde wees.

Maria Van Dieweeck ·

Studente van vandag mag ook niks meer pret of streke he nie, dan is dit sommer in die koerante!

Michael ·

Dit is net weer ‘n persepsie dat dit rasisme is en nou gaan die media weer voluit met die sensasie soekery….media is oorsaak van baie probleme in Suid-Afrika.

Geframe ·

Dit is deur mense geskep wat rassehaat teen witmense aanmoedig. Dit is NIE DEUR REGSES GEMAAK NIE. Vind uit wie ditdoen en straf hulle want hullewil net moeilikheid vir ons maak.

Haan ·

Definitief. Niemand praat van n “Anglo-afrikaner” nie??
Moroon wat die plakkaat uitgedink het is definitief nie n afrikaner nie

Weddenskap ·

Ek wed julle als wat ek besit dat dit nie n regse organisasie is nie maar net mense wat moeilikheid wil maak.

·

Estelle, geen ver regsesal sal so stuped wees om dit te doen nie. Alles is verkeerd aan dit. Dit word gebruik om wit mense sleg te laat lyk. Begin meer links kyk. As Prof. Wim de Villiers sien dit kom van iemand links sal dit net as ñ grap bestembel word. Regs sal die hel los wees. Hulle het jou wel gevang.

Ietje ·

Eks seker dom maar toe ek die plakaat sien was die laaste ding waaraan ek gedink het Nazi. Wie het die twee bymekaar getrek?

al ·

Daar is nogal ñ rassistiese swart man wie op sosiale media Hitler lof toegeswaai het – maar dat wittes die pad moet loop soos die Jode. Ek kan nie sy naam onthou of die presiese inhoud nie. Dalk lê sy inligting in ñ klagte lêer teen hom in ñ argief?

Ekke ·

Die hele Stellenbosch gaan agteruit. Ons huise word nie verkoop nie. Dit staan jare in die mark. Hier is geen waardes en respek meer oor nie.

Pierre ·

Die linkse front se taktiek raak al hoe duideliker. Vanuit ANC en EFF geledere blyk dit dat hulle Inligtings Netwerke op die hoogste vlak besig is om te opereer. Hulle taktiek is duidelik, Blaas onrus aan want ons is besig om gesig te verloor. Hulle kies hulle teikens sorgvuldig om rassehaat aan te wakker en die volgelinge glo elke woord daarvan. Dit wil voorkom asof daar geen teenvoeter is vir hierdie valse propaganda nie. Die ANC is besig met dit wat jare terug op die grens plaasgevind het, “Winning the Hearts and Mind of the People”.

Felix ·

Jy praat waar. Ons moet opnames maak van wie wat doen om die geweld aan te blaas, eendag sal hulle in hof boet.

AL ·

Ons moet onderduims begin dink soos hulle om hulle uit te snuffel. Jy praat ñ waar ding. Hul sal juis taktieke gebruik wat nog altyd gewerk het. Kyk maar hul radikale ekonomiese transformasie wat vanaf 1960 dateer. Uitgedien en bevind in ander lande dat dit ñ totale flop is, maar tog druk hul deur.
Hierdie taktiek laat my dink aan 2014 toe Mmusi Maimane in ñ smeerveldtog teen hom dat hy dwelms smous by die kerk waar hy gepreek het. Ek het aan my mede landgenote verduidelik op sosiale media wat getwyfel het aan sy onskuld, genoem waarom sal hy sy hele reputasie skend om juis by sy kerk dwelms te hê. Die dwelms is geplant.

Rina Pretorius ·

waar is die kamaras wat veronderstel is om die hele perseel te dek, daar sal hulle mos sien wie dit aangebring het.

Verdwyn ·

Daardie video sal weggesteek word soos wat die bekende restaurant se video nooit gewys was nie.

al ·

Sou ñ foto of video die lig sien, sal daar forensiese toetse gedoen moet word om die egtheid te bepaal.

Piet Pompies ·

Die plakkate is waarskynlik geplant, dit kan net sowel die EFF wees…..

Handlanger ·

Dit sal nooit gewys word nie soos die Spur kameras wat wys wateintlik gebeur het. Dit was nie Afrikaners wat dit opgesit het nie en dit sal weggesteek word.

Suider ·

Wat van BLACK FIRST LAND FIRST ? wat van “KILL WHITES” en ander vloekwoorde en WHITES op hemde? Is dit okay? Maroela gaan 10/1 hierdie weer verwyder.

Hanna ·

Ag asseblief! Molshoop word berg… Wonder wat v daai swart student, wat op die SR was, geword? Daai een wat die wit mense wou uitmoor? En toe sommer die wapens ook bespreek het. Dink hy was by Tukkies. Wonder maar net.

marous ·

Iemand is duidelik gatvol vir die bestuur se eensydigheid. Die ander pot is besig om oor te kook op dieselfde stoof……

Carl ·

As ek Wim de Villiers was, sou ek ook bewende bene gehad het.

Soekie ·

Waar sal ‘n Afrikaner student sy plakkate in Engels bewoord en praat van ‘n Anglo Afrikaner? Dis sekerlik weer iemand wat wil moeilikheid stook hierdie, dis verseker!

Poot ·

Ek moet sê dat ek nie die Nazzi embleen enigsins op die studente se plakaat sien nie. Die figure is wel gebruik maar die swastika is vervang met hul eie embleem. Opskrif is misleidend. Geen Nazzi plakaat van ‘n soort nie.
As mens seker mooi kyk sal jy die swastika in die “windows” embleem ook raaksie. Hang net af van WAT jy wil sien. Pateties.

Andries ·

Poot ek stem met jou saam, weet nie wat Stef sien wat ons nie sien nie, miskien moet hy maar sy bril vir ons leen. Alhoewel ek ook wonder oor Anglo Afrikaner op die plakate, wat is die doel daarmee. Klink nie vergesog uit van die kommentaar hier dat daar ander bymotiewe met die plakate was nie.

Valerie ·

Ag, al weer die “sosiale media” wat ‘n bevalling kry. Sosiale media regeer nie die aarde nie; hulle reageer bloot omdat hulle dink hul stemme is belangrik. En oe, al daai “likes” en “shares” en “followers.” Word groot sodat julle laerskool toe kan gaan.

Vastrappie ·

Kyk laat ek nou my mondjie uitspoel, so dis verkeerd om posters te maak, maar dis reg om te se “kiss the boer” pow ! pow! Dubbel standarde dalk? Selfde Zapiro teken soms oor die lyn prente, maar dan is dit fine, want dis “freedom of speech”

Kiss the poster BOW WOW!

Anoniem ·

Al was dit afkomstig van Nazi plakate sien ek nie kwaad daarin nie, dit beeld net eenvoudig jong mense in skool klere uit met n vlag. Dit is nie asof daar enige haat in die plakaat teenoor enige iemand na vore kom nie.

Swanna ·

Hierdie is nie’n regse groep nie maar ‘n linkse liberare groep wat graag moeilikheid wil ontlok. ‘n lafhartige agterbakse liberare groep.

Amanda ·

Wonder hoekom daar meet Engels as Afrikaanse woorde op die plakaat is. Gemaak deur n nie Afrikaner om konflik uit te lok?

Franco ·

Sou dit ‘n probleem gewees het as hulle plakate van die USSR gebruik het?

Goeie punt ·

Goeie vraag!
Dubbelle standaarde, soos gewoonlik.
Kommunistiese plakkate is aanvaarbaar. Selfs die hamer en sekel is toelaatbaar Trouens, die SAKP, die regering se alliansie-vennoot, gebruik dit selfs op kampusse.
Die miljoene wat onder Kommunisme gesterf het is veel meer as onder Nazisme. Die bekende Black Book of Communism lys:
65 miljoen in China
20 miljoen in die USSR
2 miljoen in Kambodja
2 miljoen in Noord-Korea
1.7 miljoen in Ethiopië
1.5 miljoen in Afghanistan
1 miljoen in Oos-Europa
1 miljoen in Viëtnam
Plus nog honderde duisende in Mosambiek, Angola, en ander Afrika-lande. En dan nog Kuba en Suid-Amerika. . .

Kommunisme vs Nazi plakkate ·

Waarom mag daar kommunistiese plakkate by US wees, maar nie Nazi plakkate nie? Ondersteun die US kommunisme?

Spook ·

Ek het nog nooit in my lewe na ons verwys as “Anglo afrikaner” nie?

Boerseun ·

Geagte Wim. Veduidelik hoe dit onaanvaarbaar is maar t-hemde met f..ck whites is aanvaarbaar. In elk geval is dit die woorde of the Nazi embleem wat onaanvaarbaar is? Laaste wat ek gekyk het was die tentooonstelling van die embleem nie teen die wet nie. Maar ons weet julle maak reels soos julle aan gaan.

Ek weet ons mors ons asems. Maties is verewig verlore vir die Afrikaner. Jy moet net loop dat iemand meer “representative” by jou kan oorneem.

Rooijakkals ·

“The New Right” en “Anglo-Afrikaner”!!! Waar het jy gesien ons BOERE-AFRIKANERS adverteer ons teenstand teen rassisme, korrupsie, moord op wittes en veral wit boere, roof, inbrake, diefstal en talle meer misdade onder ‘n “Ingelse” naam? Hoef ek meer op te noem soos talle kommentare hierbo alreeds genoem het???

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.