Herrie oor ‘rassistiese uitbarsting’ oor sportverbod

ʼn Skermskoot van die plasing voordat dit verwyder is. Die foto is digitaal gemanipuleer om die kru taalgebruik te verbloem. Matt Theunissen

ʼn Skermskoot van die plasing voordat dit verwyder is. Die foto is digitaal gemanipuleer om die kru taalgebruik te verbloem.

ʼn Storm het om die kop van ʼn jong man van Kaapstad losgebars nadat ʼn rassistiese uitlating glo op sy Facebook-profiel gemaak is in reaksie op Fikile Mbalula, minister van sport, se onlangse verbod op sporttoernooie weens transformasie.

“So no more sporting events for South Africa… I’ve never been more proud than to say our government are a bunch of K*****S…yes, I said it so go and f**k yourselves you black f***ing c***s.” [sic], het skynbaar Maandag op Matthew ‘Matt’ Theunissen (26) se Facebook-profiel verskyn. Die profiel is egter teen Dinsdag verwyder nadat ʼn skermskoot van die plasing soos ʼn veldbrand op sosiale media-platforms versprei het.

Twitter-gebruikers het gou die man se LinkedIn-profiel ontdek, waarop sy CV geplaas is met sy volle adres, kontaknommer en studie- en werkgeskiedenis. Dié inligting is ook wyd gedeel met sommige mense wat op Twitter doodsdreigemente gemaak het. Volgens die CV is hy ʼn oudstudent van die Universiteit Stellenbosch en woon hy in Noordhoek.

#MatthewTheunissen was Dinsdag onder die tien gewildste onderwerpe op Twitter, met mense wat hom met Penny Sparrow vergelyk.

Patricia de Lille, Kaapstad se burgemeester, het Dinsdag Theunissen se uitlating verwerp en dit as ʼn “veragtelike rassistiese aanmerking” bestempel. De Lille het die voorval na die Suid-Afrikaanse Menseregtekommissie verwys vir verdere ondersoek.

“Ons kan nie toelaat dat mense wegkom met sulke neerhalende opmerkings nie, want daar is wette en prosesse om te verseker dat rassiste aan die pen ry,” het sy in ʼn verklaring gesê. “Daar is nie ʼn plek in ons gemeenskap vir rassisme nie. Ons genees van ʼn gedeelte van ons pynlike verlede en ons bly verbind tot die stryd teen die plaag van rassisme en die totstandkoming van eenheid en inklusiwiteit.”

Die uitbarsting volg nadat Mbalula verlede Maandag aangekondig het die vier hoof-sportfederasies – die Suid-Afrikaanse Rugby-unie, Krieket Suid-Afrika, Atletiek Suid-Afrika en Netbal Suid-Afrika – mag nie gasheer speel vir enige groot internasionale sportgebeurtenisse in die land nie aangesien hulle volgens hom nie hul transformasieteikens bereik het nie.

Verskeie pogings om Theunissen te skakel op die nommer wat op die CV verskyn, was onsuksesvol en sy foon is skynbaar afgeskakel. Hy het egter glo vlugtig met die Cape Times gepraat, waarna hy die telefoonoproep beëindig het nadat hy oor die plasing uitgevra is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

55 Kommentare

jongste oudste gewildste
Jan maak n Plan

Ek dink dit was uiters dom van die man om dit wat hy gese het op sosiale media te plaas, maar party mense is ook seker nie bang om sy kop in n bynes te druk nie. Ek sit nou aan iets en dink. Miskien is dit tyd dat daar n plek in die RSA moet gemaak word, waar jy op n kassie kan klim en jou se kan se. Maar net nie op sosiale media nie.

Hannelie

Hy moet kry wat hom toekom. Want regtig om so in die “openbaar” sulke woorde rugbaar te maak, is regtig onvanpas. Bly dat hul hom kon opspoor.

christine

Speekers Coner sal nogal lekker wees want ons voel almal in ons harte deesdae maar net dieselfde. heel anders as 1994. So Jan maak n plan soe wil nie in die drommel se plek wees nie sy lewe gaan hel gemaak word.

Ekwilibrium

Dom van hom ja, en onvanpas op sosiale media. Ongelukkig is dit ‘n voorbeeld van opgekropte frustrasie a.g.v. onnosele besluite deur ons ministers. Waarmee gaan hulle ons almal – hulself inkluis – volgende in die voet skiet a.g.v. kinderlike emosionele reaksies op ander se opinies? Julle sal nou sien hoe lank gaan al wat ‘n ‘rewolusionêre’ is aanhou herkou hieraan.

Moeg

Is dit nie rasisties om te sê dat meer swart mense in die sport moet deelneem nie?

Is dit ie rasisties nie om Belasting geld te verwyder tot dat “transformation goals” beryk wort?

Hoekom dryg niemand Mbalula vir sy rasisme nie?

SA reg het dubbel standarde.