Herrie oor versekeraar nie wil uitbetaal ná moord

Só het die Independent on Saturday destyds oor Ganas se dood berig.

Die lewensversekeraar Momentum hou voet by stuk oor sy besluit om nie ʼn uitbetaling te maak aan die gesin van ʼn man wat doodgeskiet is terwyl hy sy vrou beskerm het nie.

Momentum het die eis geweier aangesien die oorledene, Nathan Ganas, volgens hulle nie bekendgemaak het dat hy met verhoogde bloedsuikervlakke gediagnoseer is wat moontlik voorgekom het voordat hy sy aansoek vir die polis in 2014 voltooi het nie.

Ganas (42) is in Maart 2017 doodgeskiet toe hy sy vrou teen kapers beskerm het. Sy vrou, Denise, is buite die egpaar se huis in Shallcross, Durban, deur ʼn groep gewapende mans oorval toe sy tuis gekom het. Ganas het tot haar redding gekom en is doodgeskiet.

Momentum het egter Denise se eis vir R2,4 miljoen in lewensversekering afgekeur al het sy dood nie met die voorafbestaande toestand verband gehou nie.

Volgens Momentum sal dit ʼn teelaarde vir allerlei probleemkwessies skep en bestaande kliënte benadeel indien hulle die eis sou betaal.

Momentum het in ʼn verklaring gesê hy is werklik jammer oor Ganas se tragiese dood en dat hy ook simpatie het vir die siening dat die oorsaak van sy dood nie verband hou met die nie-openbaarmaking nie.

Volgens Momentum sal die toestaan van die eis egter lei tot ʼn toename in eise wat uiteindelik sal beteken dat alle ander kliënte se premies sal verhoog net omdat een kliënt nie “te goeder trou opgetree het nie”.

“Die verwerping van die eis is na die ombudsman vir langtermynversekering verwys, wat bepaal het dat Momentum se besluit in die omstandighede die regte een was. In hierdie geval – sou die inligting aan ons bekend gewees het – sou daar geen dekking in die eerste geval gewees het en geen eis betaal gewees het nie, ongeag die oorsaak van dood,” het Momentum gesê.

“Die versekeringsbedryf het ʼn verpligting teenoor bestaande kliënte om op ʼn konsekwente grondslag op te tree om die gedeelde poel van risiko’s te bestuur. Ondanks die feit dat ons absolute simpatie met die weduwee het, is dit belangrik om nie-openbaarmaking op ʼn konsekwente wyse te behandel en nie die voordele van kliënte wat te goeder trou optree, benadeel deur toegewings te maak om eise toe te staan waar belangrike inligting weerhou is nie.”

Momentum het Ganas se weduwee volgens berigte versoek om die R50 000 onmiddellike kontantvoordeel uit die polis wat die gesin gebruik het om Ganas te begrawe, terug te betaal. Die lewensversekeraar het egter gesê in ooreenstemming met sy standaardpraktyk in gevalle van nie-openbaarmaking waar ʼn eis afgekeur word, sal hy die premies wat gedurende die kontrak betaal is, terugbetaal.

Volgens Momentum het hy in 2017 net 0,4% van eise afgekeur weens nie-openbaarmaking nie en het hy oor die afgelope 15 jaar meer as R42 miljard in eise uitbetaal.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

160 Kommentare

jongste oudste gewildste
Fynkam

Lyk my hulle fynkam slagoffers om redes te soek om nie te betaal nie.

Jakes

Ag asb…..dis mos nou belaglik! Hys mos nie dood van suiker siekte die? Maar julle vat sy geld elke maand en dis ok? Ombudsman moet dit definitief ondersoek.

Bonzelle

maar momentum het glad nie probleem gesien om maandeliks die gepaar se versekering premies te ontvang nie. Dis regtig swak verby

Pieter

My broer het dieselfde stel afgetrap met n versekerings mmatskappy toe sy vrou oorlede is na n operasie. 10 jaar haar premies gevat en weier om uit te betaal.

Moeg om te survive..

Tipies…. So onregverdig, maar hul al die jare sy premie gevat ten spyte van sy suiket???