Hewitt-verhoor duur voort

Bob Hewitt en sy vrou Delaille Maandag in die hof. Foto: Werner Beukes/SAPA.

Bob Hewitt en sy vrou Delaille Maandag in die hof. Foto: Werner Beukes/SAPA.

Bob Hewitt, die Grand Slam tennis-dubbelkampioen wat tereg staan op aanklagte van verkragting en onsedelike aanranding, se verhoor hervat Dinsdag in die Johannesburgse hooggeregshof wat in die Palm Ridge-landdroshof sit.

Hewitt (75) het Maandag, tydens die eerste dag van sy verhoor, geen emosie gewys terwyl een van sy vermeende slagoffers vertel het hoe hy haar seksueel aangerand het nie. Sy vrou het hom bygestaan.

Hewitt se prokureur, Terry Price, het die klaagster, Theresa Tolken, onder kruisverhoor geneem. Tolken het toestemming gegee dat haar naam genoem mag word.

Hewitt het onskuldig gepleit op twee aanklagte van verkragting en een van onsedelike aanranding.

Tolken het Maandag in die hof getuig dat Hewitt, wat haar tennisafrigter was, haar onbehoorlik aangeraak en haar gedwing het om orale seks op hom uit te voer. Die dade het glo 34 jaar gelede gebeur toe sy 12 was en in Bedfordview, Johannesburg gebly het. Lees meer hier.

“Mnr. Hewitt het jou huis toe gevat ná oefeninge?” het Price aan Tolken gevra. Tolken het dit beaam. “En ten spyte van die voortdurende seksuele aanranding, het jy steeds saam met hom in ʼn motor geklim?”

Tolken het gesê sy is grootgemaak om volwassenes te respekteer en het gedoen wat sy aangesê is. “Hy het ʼn manier gehad om met jou kop te smokkel. My uitroep was toe ek my ouers gevra het om my op te laai.”

Tolken en haar ma het vanuit hul huis in Nieu-Seeland na Suid-Afrika gereis om die hofverrigtinge by te woon.

Lees alle vorige berigte oor Bob Hewitt op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

6 Kommentare

michele ·

Theresa Tolken is die klaagster nie die aanklaer nie . . .

Suné van Heerden ·

Dankie dat jy ons op die flater gewys het, Michele!
Die fout is reggestel.

Groetnis
Suné
nms Maroela Media

anne ·

Skurk, hoop hulle gooi hom in die tronk en dat hy sy lewe as ouman daar gaan sluit! Skandelik

SNEL ·

Wat my stomslaan is dat sy vrou hom nog ondersteun. So n vark van n man, hoop hy sit sy lewe om in die tronk en dat hy kry wat hy verdien…..

Leeutjie ·

Ja nee Snel. Ek stem saam! Ek wonder hoe kan ‘n vrou trots voel op so man. Is dit liefde of geld? Ek spekuleer nou maar so iets laat my verwonderd.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.