Hiér is die man wat Eskom moet omdraai

Freeman Nomvalo. (Foto: Saica)

Pravin Gordhan, minister van openbare ondernemings, het Dinsdag aangekondig Freeman Nomvalo, uitvoerende hoof van Die Suid-Afrikaanse Instituut vir Geoktrooieerde Rekenmeesters (Saica), is aangestel as Eskom se hoofherstruktureringsbeampte.

“Ek kan aankondig dat ons met Saica ʼn ooreenkoms bereik het dat mnr. Freeman Nomvalo ondersteun sal word om aangestel te word as Eskom se hoofherstruktureringsbeampte,” het Gordhan tydens die aankondiging van die kragvoorsiener se jaarlikse finansiële uitslae gesê.

“Hy sal die pogings lei om ʼn herstruktureringskantoor op die been te bring en dié kantoor se kapasiteit te bou. Die kapasiteit sal korporatiewe finansies, skuldbestuur en balansstaatoptimalisering insluit. [Nomvalo] sal rapporteer aan die ministers van finansies en openbare ondernemings, asook die Eskom-raad. Hy sal by magte wees om raadsvergaderings en uitvoerende bestuurvergaderings by te woon.”

Gordhan het gesê Nomvula se pligte sal insluit om ondersoek in te stel na Eskom se skuldlas en die verskeie voorstelle om die kragvoorsiener se skuld te verminder, asook om gesprekke tussen beleggers en Eskom se bestuur te bewerkstellig.

Maroela Media het vroeër berig Tito Mboweni, minister van finansies, het vroeër vanjaar aangekondig dat die regering se voortgesette fiskale steun aan Eskom op voorwaarde is dat daar ʼn onafhanklike herstruktureringshoof aangestel word wat die plan om Eskom in drie onafhanklike dele op te deel sal lei.

Eskom het Dinsdag aangekondig die kragvoorsiener het ʼn reuseverlies van R20,7 miljard in die boekjaar tot einde Maart gely. Dit is R2,3 miljard meer as die vorige jaar en grootste finansiële verlies vir korporatiewe Suid-Afrika in jare.

Jabu Mabuza, voorsitter en tussentydse uitvoerende hoof van Eskom, het gesê die verlies vir die finansiële jaar is nie ʼn refleksie op (uittredende uitvoerende hoof) Phakamani Hadebe nie, maar eerder ʼn kombinasie van verskillende onvermydelike faktore.

Mabuza het gesê Eskom sit tans met skuld van meer as R440 miljard en die inkomste van sy bedrywighede is nie genoeg om sy skuld af te betaal nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

48 Kommentare

jongste oudste gewildste
KaterinaKat

No pressure then..as ek hy was het ek solank maagseer medikasie begin opgaar.

Vryheid

As ek die ” raad” raad Kan gee… Soek solank die volgende opvolger. Freeman gaan nie lank daar wees Nie.

James

Dit kan nie meer gered word nie – dis te laat…………………..
Hulle het dit so opgefoeter dat daar geen salf aan te smeer is nie. Dit moet nou nog net inplof en dan is dit klaar.

Leon

Bean counters kan nie die werk doen nie. Jy het nou gekwalifiseerde ingenieus nodig wat finansieële ondevinding het om E$KOM om te draai. In ander woorde ‘n wit persoon. mJammer, maar jy het nou ondervinding nodig. Nie kaders nie.

Schalk

Foeitog as hy dit aanvaar menende die aanstelling dan wonder ek.