Hier is Ramaphosa se adviespaneel oor grondhervorming

landbou-mielies-pexels

Foto: Pexels/Pixabay.com

Die presidensie het laat hoor dat pres. Cyril Ramaphosa ʼn adviserende paneel oor grondhervorming aangestel het om die interministeriële komitee (IMC) oor grondhervorming te ondersteun. Die IMC word deur adjunkpres. David Mabuza gelei.

Dié paneel van tien sal die IMC adviseer oor ʼn groot reeks beleidsake wat verband hou met grondhervorming – insluitend restitusie, herverdeling, verblyfreg en landbou-ondersteuning.

“Die paneel bestaan uit tien lede wat by uitstek kwalifiseer uit hoofde van hul akademiese agtergrond, professionele ondervinding, sosiale entrepreneurskap of aktivisme wat verband hou met die landbou, ekonomie en grondbeleid,” lui die presidensie se verklaring.

Ramaphosa meen die paneel sal die IMC se beraadslaging oor grondhervorming kan verryk. Die paneel het die opdrag om navorsing te doen en voorstelle te maak oor modelle wat ʼn regverdige en billike grondhervormingsproses sal bewerkstellig en sodoende die ongeregtighede van die verlede herstel, landbouproduksie verhoog, ekonomiese groei bevorder en voedselveiligheid beskerm.

Die paneel het Dinsdag vlugtig in Pretoria met Ramaphosa en Mabuza vergader.

Die paneel sal gelei word deur dr. Vuyokazi Mahlati, sosiale entrepreneur en openbarebeleid- en ontwikkelingsbeplanningspesialis. Hy is ook die president van die African Farmers Association van Suid-Afrika.

Die ander nege lede is:

Prof. Ruth Hall, navorser en professor by die Universiteit van die Wes-Kaap se instituut vir armoede, grond en landboustudies.

Prof. Mohammed Karaan, professor in landbou-ekonomie by die Universiteit Stellenbosch.

Adv. Tembeka Ngcukaitobi, prokureur, openbare spreker en outeur.

Bulelwa Mabasa, prokureur met meer as 16 jaar ervaring waarvan 12 oor grondhervorming, verkryging, tenders, erfenisregte en dies meer gehandel het.

Dr. Thandi Ngcobo, uitvoerende hoof en stigter van die Dr. J L Dube-instituut van die Universiteit van KwaZulu-Natal.

Wandile Sihlobo, hoof van navorsing by die landbou-sakekamer van Suid-Afrika. Hy is ook ʼn onafhanklike landbou- ekonomiese adviseur vir die Afrgrain Food Group.

Daniel Kriek, Vrystaatse boer en president van AgriSA. “Hy glo in progressiewe strategieë en opvattings om eenheid in die landbou te bereik.”

Thato Moagi, jong opkomende boer en entrepreneur.

Nick Serfontein, voorsitter van die Sernick-groep. Hy was in 2016 die Vrystaat-boer en -mentor van die jaar en vestig sy aandag op programme vir ontwikkelende boere.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

42 Kommentare

jongste oudste gewildste
rooikop

Daar is altyd die “token white” in die vors van ‘n verloopte afrikaner by die goed ingesluit. Iemand wat sy eie mense haat ten gunste van die vyand. Onteiening sonder vergoeding is en bly diefstal al is dit wettig.

Jerry

Wel, wel, wel! Toe is dit nie net lippetaal nie. Daar bars CR al julle babbels. Dit gaan goed gaan terwyl CR aan bewind is en dit gee genoeg tyd vir die Afrikaner om sy huis in orde te kry vir wanneer n Zupta weer aan bewind gaan kom! Gebruik dus hierdie tyd met groter wysheid!

Thinus

80% verteenwoordiging deur pro onteininging sonder vergoeding kandidate en 20% wat die regering se OSV se plan steun. Weereens word ons uitverkoop.

WitBlits

Net nog ‘n politiese rookskerm en dan kan die agbare president homself ontskeld van enige meedoening, want “die slim mense” het die aanbevelings gemaak!

Grassie

Nou wonder ek waarom het ek geen vertroue hoegenaamd in CR se adviespaneel nie.