Inwoners van Frankfort, Heilbron en Namahadi in die Vrystaat is sedert die vroeë oggendure van Woensdag sonder elektrisiteit gelaat nadat kabels by die Greenlands-substasie gesteel is.
Sowat 5 000 klante van Eskom word tans geraak. Dit is benewens die inwoners wat deur die geraakte munisipaliteite van elektrisiteit voorsien word.
Om sake te vererger, sit inwoners van Vrede sedert 07:48 vanoggend sonder krag weens ’n fout op die Standerton -Vrede Munic-88 kV-toevoerkabel.
Stefanie Jansen van Rensburg, woordvoerder van Eskom, sê die oorsaak van hierdie onbeplande onderbreking moet nog vasgestel word. Dit is dus nie in dié stadium duidelik wanneer die elektrisiteitstoevoer herstel sal word nie.
Inwoners wat geraak word deur die kabeldiefstal se elektrisiteitstoevoer sal na verwagting teen vanaand weer elektrisiteit hê.
“Ons vra verbruikers om asseblief geduldig te bly terwyl Eskom hierdie onderbreking herstel wat veroorsaak is deur ’n onaanvaarbare kriminele daad.”
Verklaar kabeldiefstal as sabotasie. Dit skyn asof daar GEEN wil is om afsetpunte te te identifiseer en gereeld te monitor
Ons juig van blydskap, die land van melk en heuning. Goed opgevoede mense in SA.
Verbruikers se geduld raak mi.