Volgens die weerdiens heers hittegolf-toestande oor Gauteng, die noordelike en oostelike dele van die Noord-Kaap, Noordwes en die Vrystaat, sowel as dele van Limpopo en Mpumalanga.
Die warmste temperatuur, van 41°C, is Dinsdag in Upington gemeet. Intussen word ʼn maksimumtemperatuur van 42°C vandag vir Upington verwag. Pretoria se voorspelde maksimum is 36°C en vir Lephalale en Vryburg 38°C. Bloemfontein en Mafikeng se verwagte maksimumtemperatuur is ook 36°C. In Rustenburg sal die kwik na verwagting tot 35°C styg.
Die kraaie gaan Donderdag gaap met ʼn verwagte maksimumtemperatuur van 41°C vir Upington, 40°C vir Lephalale, 39°C vir Vryburg, 38°C vir Pretoria en 37°C vir Mafikeng. Teen Vrydag sal die maksimumtemperatuur in Pretoria na verwagting tot 34°C daal, terwyl Upington steeds gaan sweet, met ʼn verwagte maksimumtemperatuur van 43°C.
Donderstorms en reën word vir die naweek oor die oostelike en noord-oostelike dele van die land voorspel.
Die weerdiens het mense gemaan om tydens die hittegolf-toestande te probeer om binnenshuis te bly en beskermende klere te dra indien hulle buite moet werk. Mense is ook aangeraai om genoeg water te drink en om nie kinders tussen 9:00 en 16:00 buite te laat speel nie.
Mag ek net noem dat die temperature in van Zylsrus ini noordkaap altyd warmer is as die van upington… ons het al gister middag 42 grade gemeet en vanmiddag sin is tans 41 grade
Daai temps. klink amper normaal. Hier by ons in Nam was dit nou onlangs 53 in Oshakati, en dit was na sononder. Usakos word ook gereeld 42+.
Maaaaaar Swakopmund………….nou dis waar jy wil wees. Al 4 seisoene maklik op een dag. . . . . . Ons groot pluspunt is dat ons darem kan gaan visvang ;-)
Ek het in my lewe nog nooit ‘n swembad waardeer soos nou ni, ons moet aanhou bid vir reën
41 grade Waterval Rustenburg
Ek gaan maar my swemjakkie volgende week saamneem Lammertsbaai toe, om namens al die hittegolf slagoffers lyf nat te maak.
Dankie Oudste!
Dan is dit daar by julle wat Leon Schuster eendag ‘n eier op die kar se enjinkap gebraai het!
En daar kry ons skielike wildr swaar weer en lekker bui reën in Klerksdorp, effens koeler maar baie dankbaar, dankie Jesus
Ek het vertroulik verneem hierdie is Malema se skuld….
Nee, “Apartheid” !
Almal verkeerd. Dis Jan van Riebeeck se skuld.
Dit het nou net na 21:00 hierin Pretoria begin reën, ‘n lekker Gauteng donderstorm na ‘n bloedige warm dag, PRYS DIE HERE WANT HY IS GROOT, BY HOM IS ALLES MOONTLIK!!!!!!! selfs toe die weervoorspelling nie eintlik reën voorspel het vir ons nie.
Dit reën nou heerlik, veral hier in Annlin, Noordelike Pretoria, dit is nou half tien, Die Hemelse Vader het vir my ‘n lekker verjaardag persent in die vorm van reën gestuur, ek hty vanmiddag gebid vir reën