Hoë datakoste in parlement bespreek

Argieffoto

Argieffoto

Effektiewe regulering is nodig om hoë oproep- en datakoste in Suid-Afrika hok te slaan, het werknemers van die departement van telekommunikasie en posdienste Dinsdag in die parlement gehoor.

Joe Mjwara, waarnemende direkteur-generaal van die departement, het tydens openbare verhore oor die koste van kommunikasie aan LP’s gesê selfoonoperateurs misbruik hul markoorheersing deur hoë pryse te hef vir oproepe en data.

Volgens Mjwara word die mark gekenmerk deur oneffektiewe kompetisie en skaars hulpbronne. Hy het gesê hoewel oproepkoste verlaag is deur middel van regulasie, verbruikers steeds te veel opdok vir data. Volgens hom maak selfoonoperateurs op vir die tekort weens goedkoper oproepkoste deur meer te vra vir data.

Thabo Molefe, ʼn bekende radiopersoonlikheid wat aan die hoof staan van die sogenaamde #DataMustFall-veldtog, het gesê reguleerders moet die bedrag wat netwerkoperateurs vir data hef beperk. Hy meen Suid-Afrikaners moet minstens die helfte minder vir data betaal.

Molefe het gesê die #DataMustFall-veldtog kry steeds momentum maar dat selfoonoperateurs nog daarop moet reageer. Volgens Molefe is daar talle Afrika-lande waar verbruikers aansienlik minder betaal om toegang tot die internet te kry.

Molefe het verlede week sy veldtog van stapel gestuur deur selfoonoperateurs ʼn 30 dae-ultimatum te gee om verandering te weeg te bring.

Verteenwoordigers van die verskeie selfoonoperateurs sal na verwagting Woensdag LP’s toespreek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
Julius

Ek en my vrou het nou net van die hoë kostes gepraat en selfs oorweeg om heeltemal van internet af te sien. Daar is baie verskeilde kostes wat van jou data afgaan en skielik is jy sonder data. Dit kan ten minste met die helfte gesny word om meer mense toegang te gee.

Emma

Hier in Namibie het ons ń pakket waar jy R30 betaal en dan sluit dit vi ń week in: 100 gratis minute enige plek in Nam – vaste lyn of sel asook 1,3gb. Hoes daai!

Meisie

Dit is baie goeie nuus,di ou ht sy huiswerk oordentlik gedoen.Ek werk met di BIS sit R29 airtime op as ek mt bel.As ek eerste keer wil bel is daar nie n sent geld nie.En die Internet diens is baie swak.Hul sal meer torings moet oprig.

Piet Pompies

Ons woon op ‘n plek waar vaste lyn data nie beskikbaar is, gevolglik gebruik ons netwerk data. My rekenaar is so opgestel dat hy net die noodsaaklike updates doen. Die naweek se update was 1 Gig, R149 in die drein af. Ek ondersteun die verlaging van data kostes. Vodacom sou nie so ‘n groot wins gemaak het as dit nie vir data was. Groot besigheid geldgierigheid, dit is wat die probleem is!

Jannie

Data is belaglik duur en die selfoon sein swak wat maak dat data jou van tyd beroof, vrek stadig. Vodacom en ander netwerke neem kennis daarvan, maar doen niks! Lyk of die netwerke net verder oorlaai word, wat beteken dat hulle net meer skep.
Emma wie is die netwerk verskaffer in Namibie?