Hoë risiko vir beurtkrag

Argieffoto

Argieffoto

Eskom het gesê daar is ʼn groot moontlikheid dat beurtkrag Vrydag toegepas kan word.

“Die beurtkrag-moontlikheid vir Vrydag bly hoog. Eskom sal inligting deurgee indien daar ʼn verandering in die kragnetwerk is,” het die kragvoorsiener gesê.

Eskom sukkel al geruime tyd om die ligte aan te hou weens gebrekkige infrastruktuur, die algehele ineenstorting van een van sy silo’s en ʼn algemene agterstand in instandhouding.

Werkers wat deelneem aan ʼn onwettige staking het Donderdag buite die Medupi-kragsentrale in Lephalale, Limpopo, betoog. Meer as 1 700 werkers het kennisgewings van skorsing ontvang en is verbied om die perseel binne te gaan.

Die kragsentrale was veronderstel om ʼn bykomende 4 800 MW kragkapasiteit aan Eskom te voorsien, maar die projek is met ongeveer drie jaar vertraag. Tshediso Matona, geskorste hoof van Eskom, het in Maart aangekondig dat Medupi vir die eerste keer elektrisiteit opgewek het. Hy het gesê dat 794 MW krag vanaf Medupi se sesde eenheid oor die volgende paar maande by die nasionale kragnetwerk gevoeg sal word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

Drieks ·

Gaan ons hierdie winter warm bad water hé. Dit die heerlikste deel van die winterdae, die warm bad… Anc, jul het goed opgeneuk en so vra Minister Blade vir net nog BEE… by universiteite…nie vir slim lojale leerders nie.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.