Hoërskoolleerder lank tronk toe vir moord

Argieffoto

Die Thembalethu-streekshof in die Wes-Kaap het ʼn 16-jarige seun tot agt jaar tronkstraf gevonnis vir moord.

Sinethemba Nzima is tien jaar tronkstraf opgelê, waarvan twee jaar vir vyf jaar opgeskort is, op voorwaarde dat hy nie in dié tyd skuldig bevind word aan moord, poging tot moord of strafbare manslag nie.

Kapt. Dumile Gwavu, polisiewoordvoerder, het gesê die graad 10-leerder is op 9 Oktober 2017 in hegtenis geneem.

ʼn Groep seuns het Sinoxolo Mlunguza die vorige dag in die vroeë oggendure aangeval. “Met die polisie se aankoms op die toneel het die verdagtes weggehardloop en die slagoffer was reeds dood.

“Hy het verskeie steekwonde aan sy bolyf en ʼn oop wond aan sy onderlyf gehad,” het Gwavu gesê.

Gwavu het gesê Nzima is vroeër vandeesmaand gevonnis.

Die tiener staan tereg op nóg ʼn aanklag van moord ná ʼn voorval in Maart vanjaar.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
A

Lank? Dis kort – hy moes lewenslank gaan sit het. Hy het dan moord gepleeg?

Zumie

Maksimum 4 jaar dan is hy uit.

Joe

10 jaar lank vir moord??? Belaglik, vonnis hom lewenslank in n “grootmens” tronk, stuur hom polsmoor toe

Donderstorm

Daars nie gereg in die land meer nie.

Helena

Dis nie n “baie” lang straf nie maar hy gaan nou sy skool opleiding klaar maak, gratis, en dan instap in n pos met n goeie salaris ens. Hy hoef nie lang ente te stap skool toe nie.. baie gerieflik. Of hy leer uit sy foute of hy gaan net dood luiters voort met sy foute..lekker land om in te woon.