Hoëvlakspan vir ekonomiese herstel aangewys

Pres. Cyril Ramaphosa (Foto: GCIS)

Die nasionale ekonomiese ontwikkelings- en arbeidsraad (Nedlac) het ’n hoëvlakwerkgroep saamgestel om ’n dringende ekonomiese herstelprogram vir Suid-Afrika te finaliseer.

Nedlac se forum vir ekonomiese herstel, onder voorsitterskap van pres. Cyril Ramaphosa, het Donderdag virtueel vergader om te bespreek hoe Suid-Afrika sy ekonomiese probleme, wat vererger is deur die impak van die Covid-19-pandemie, kan aanpak.

Ramaphosa het in ʼn verklaring gesê daar is ooreenstemming dat die ekonomiese krisis ʼn toename tot gevolg het in die vlakke van kwesbaarheid, insluitend uiterste armoede en hongersnood, en dat maatreëls nodig is om verdere dalings in die BBP te stuit, te keer dat die begrotingstekort vererger en verdere werksverliese te voorkom.

“Ons maatskaplike vennote stem ook saam dat die stryd teen korrupsie verskerp moet word om te verseker dat oortredings nie die ekonomiese herstelpoging ondermyn nie. Daar word konsensus gekry oor wat gedoen moet word om ekonomiese herstel, transformasie, inklusiewe groei en ʼn wêreldwye mededingende ekonomie te bewerkstellig.”

Nedlac sal nou ʼn senior leierskap benoem om in ’n span te dien wat in die volgende drie weke ’n stel prioriteitsaksies sal opstel vir ekonomiese heropbou en die institusionele reëlings om hierdie aksies te ondersteun.

Die span sal fokus op gebiede soos werkskepping, ’n sektorale benadering, prioritisering van infrastruktuur, die behoefte om dringend aandag te gee aan energiesekerheid en die knelpunte vir ekonomiese groei.

Daar is volgens Ramaphosa ’n breë ooreenkoms dat voorstelle vir ekonomiese herstel ondersteun moet word deur onmiddellike maatreëls om werksgeleenthede en lewensbestaan te beskerm en om ’n bekwame staat daar te stel.

Die span sal ʼn ekonomiese herstelplan aan Nedlac en Ramaphosa voorlê waarna dit by die kabinet ingedien sal word vir bekragtiging.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

25 Kommentare

DieKriek ·

O koek, hier kom n ding. Dieselfde soort span wat Covid korrupsie moet uitwys? Nog n manier om te skep. Sjoe, maar hulle is vindingryk.

Pieter ·

Die taakspan van 20/30/40 “persone” wat ons belasting-geld kry, nie verdien nie, sal minder beteken as ‘n venster in n duikboot. Dit sal dan ook seker werkskepping genoem word, met die klem op “skep”.

Sarel ·

Is die mense bekwaam en wie is hulle. Of is dit net so groot geheim as die sg. Bevelsraad

annie ·

‘n ‘Pose’, ‘n aangesitte stemtoon en ‘n pic van ‘n voormalige prez in die agtergrond gaan ons nie red uit dieselfde ou gemors nie ~ nou net baie meer daarvan. Die probleem met Afrika-leiers is dat hulle glo net hulle kan dink en onthou en dat die res van die wèreld hulle skuld; hoe witter hoe meer. Cyril se masker val stadig maar seker af. Dit is hoogtyd dat Medusa se lapkroon val en die duistere landsherstelplan geopenbaar word.

Pio ·

Maak oop die alkohol, tabak en toerisme bedryf, ‘voila’, onmiddelik honderde duisende werksgeleenthede geskep!

Jakes ·

As die skade bereken kon word wat die ANC regering die afgelope 25 jaar aan die ekonomie aangerig het dan wil ek weet hoe op aarde hulle nou die gemors gaan regmaak?

Danie ·

Ramaphosa. Why dont you appoint members from the DA, VF+ and EFF to sit in on this investigation. We all know or let me say the whole world knows how corrupt the ANC is and it will be in the interest of the nation to keep a watch full eye on the investigation.

Jaco ·

Dié berig sê NIKS oor die uithaal van wit mense uit die ekonomie nie, alhoewel ramaphosa daarop gehamer het vanaf kort nadat inperking begin het. So nou wonder ek maar net: gaan hy nie meer wit mense uitskuif nie, of is sy stilte daaroor ‘n stilte voor die storm???

Termiet ·

Gaan beslis geen blankes wees nie en nog minder gaan hierdie sogenaamde plan niks goeds vir ons blankes inhou nie.

PH ·

Ramaphosa is die LAASTE persoon wat voorsitter van so-iets moet wees.
Van die wal in die sloot.

Persheks Adri ·

ASB geen ANC kader of familie nie enige iemand met brein selle wat dit kan gebruik! ANC het klaar als op geneuk van die begin af…

Riaan ·

Ek hoop die taakspan bestaan SLEGS uit persone wat ‘n suksesvolle besigheid van die grond af kon opbou, en word nie opgemaak deur stinkryk individue wat hulle status verkry het deur ‘n BEE staatstender of politieke konneksies nie

Annelize ·

Ag assssssseblief, hoeveel spanne moet nou NOG aangestel word? En wat gaan van dit kom? Ek staan ‘n groter kans op sukses om water met ‘n sif te skep as wat hier ooit iets produktiefs sal kom.

Yolandy ·

Die President hoef net die siggetette en alchol enntourisme bedryf te open dan sal die ekonomie herstel. Sa se grootste tax revenue kom van sigarette en alchol, maar hy hly doof en gee nie n vlenter om oor SA nie, want as hy het het hy lankal die hele NCCC, CDC, NPA Almal gesuspend tot dan is alles wat hulle se nie geloofwaardig nie, want hulle almal moet eers bewys dat hulle rerig vir SA omgee en dit kon hulle nie eers in 26 jaar wys nie, die arm mense en middelklas werksmense asook die wat nog nooit hulle huise gekry het nie, is mooi gvol verby dat hulle al besluit om ANC uit te vote met die volgende verkiesing

gehasie ·

ANC planne is soos om na ‘n tragiese komedie te kyk. Vraag bly wie het hulle bemagtig tot hierdie vlak van onbeholpenheid?

gehasie ·

Die ANC se sogenaamde pogings lees soos no tragiese komedie! Vraag bly staan wie was verantwoordelik om die ANC in hierdie magsposisie van totale wanorde te plaas?

Mariana ·

Nog ‘n span, nog’n komitee en niks gebeur nie, mnr die voorsitterpresident. Die regering is korrup van bo tot heel onder en gee span gaan die land “red” nie.

Niklaas ·

En dan as hierdie hoog besoldigde werkgroep klaar is, wat dan? Enige voorstelle en bevindings sal dan by Cyril uitkom vir studie daarvan. Dan kom Kopdoek en veto alles en niks verander nie. Slegs ‘n werksgroep wat bestaan uit n aantal “bevoegdes” is ruim vergoed. Dit gebeur nogal baie deesdae. Hierdie is futiel, tyd en geld mors.

Johanncb ·

Ekonomies herstel sal outomaties plaasvind sodra die ekonomie oopgestel word! Baie eenvoudig!

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.