Hof beslis Derby-Lewis moet op mediese parool vrygelaat word

Clive Derby-Lewis

Clive Derby-Lewis

Die hooggeregshof in Pretoria het gelas dat mediese parool aan Clive Derby-Lewis toegestaan word.

Derby-Lewis (79) dien lewenslange tronkstraf uit vir sy aandeel in die sluipmoord op SAKP-leier Chris Hani in April 1993. Sy aansoek om mediese parool is al herhaaldelik afgekeur.

Regter Sebly Baqwa het Vrydag in sy uitspraak gesê die voorwaardes van sy parool sal deur Michael Masutha, minister van korrektiewe dienste en justisie, en die mediese paroolraad bepaal word. Dit is met onmiddellike effek. Baqwa het gelas dat die gevangenis teen nie later nie as 5 Junie aan die bevel moet voldoen.

Die respondente in die saak is beveel om die koste van die aansoek te betaal. Baqwa het tydens sy uitspraak die onderskeie partye se regsargumente aangehaal oor of Derby-Lewis fase 3b- of fase-4 kanker het en oor of hy berou getoon het vir sy dade.

Masutha het op 30 Januarie vanjaar mediese parool aan Derby-Lewis geweier waarna sy regsverteenwoordigers ’n hersieningsaansoek gebring het. Masutha het Derby-Lewis se parool afgekeur aangesien hy volgens hom fase 3-kanker het en dit volgens wet fase 4 moet wees voor mediese parool oorweeg word.

Roelof du Plessis, Derby-Lewis se regsverteenwoordiger, het egter in die hof aangevoer dat twee van die drie dokters wat verslag gelewer het, tekens van fase-4 kanker gevind het. Hy het gesê hy nie kan verstaan waarom die derde dokter nie tot dieselfde gevolgtrekking gekom het nie.

Du Plessis het ook aangevoer dat Derby-Lewis pogings aangewend het om Hani se weduwee om verskoning te vra maar dat sy dit van die hand gewys het.

Derby-Lewis het reeds 21 jaar tronkstraf uitgedien vir sy aandeel in die moord op Hani.

News24

Klik hier vir alle vorige berigte oor die saak op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
Eliza-beth

Ag ek hoop maar alles werk nou uit vir die arme ou man. Mag hy nou maar uitkom en dan rustig sy laaste jare slyt. Mense moet leer vergewe – die weduwee van Hani sal nog sien vergifnis stel mens vry, maar van jou ‘n beter mens en neem bitterheid weg…

thea

geregtigheid het gewen

Marius

Ek hoop nie Masuta gaan appelleer nie hulle wil vir Clive lewenslank in die tronk hou

Joe64

Nou net die rondslomp en onbevoegdheid van de gevangenis dienst en siedaar, dalk is hy uit op parool voor sy begrafnis.

Jannie van Niekerk Riviersonderend

Ek is bly iemand in die regstelsels het nie voor ANC druk geswig nie. Tien uit tien vir egyter Baqwa. Vir diegene wat gekant is teen Mnr Derby-Lewis se parool, hoekom dring julle nie daarop aan dat die bomplanter en moordenaar Robert McBride lewenslank tronk toe moet gaan nie?